ԵՐԵՎԱՆ, 19 հոկտեմբերի. /Նովոստի–Արմենիա/. Հայաստանի կառավարությունը հինգշաբթի նիստում հավանություն է տվել Ռուսաստանի հետ միջազգային ավտոմոբիլային հաղորդակցության միջկառավարական համաձայնագրին։
Ինչպես համաձայնագիրը ներկայացնելիս նշել է ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը, փաստաթղթով նախատեսվում է առանց լրացուցիչ թույլտվությունների հավելյալ բեռնափոխադրումներ իրականացնել երկու երկների միջև, բացառությամբ այն բեռների, որոնք գալիս են ԵՏՄ ոչ անդամ պետություններից և ուղղվում են համաձայնագրով չնախատեսված երկներ։
«Միջպետական կանոնավոր և ոչ կանոնավոր ուղևորափոխադրումները կիրականացվեն ամեն տարի երկու երկրների լիազորված մարմինների միջև փոխանակվող թույլտվությունների առկայության դեպքում», – ասեց Մարտիրոսյանը։
Նախարարի խոսքով, միևնույն ժամանակ համաձայնագրի շրջանակում այդ երկու երկրներում ուղևորա– և բեռնափոխադրումներ իրականացնող ընկերությունները կազատվեն տուրքերից, վճարումներից և տրանսպորտային միջոցի սեփականության և շահագործման համար գանձվող վճարումներից։
Загружается новость ...
"Право"
Նրա խոսքով, բացառություն են կազմում այն դեպքերը, երբ երրորդ երկրի օրենսդրությամբ չեն նախատեսվում ուրիշ դրույթներ։
«Համաձայնագիրը պարունակում է նաև անվտանգության մեխանիզմներ և փոխադրման հսկողություն», – ասաց Մարտիրոսյանը։
Հայաստանը և Ռուսաստանը նախատեսում են ստորագրել այս համաձայնագիրը երկու երկների միջև փոխադարձ ուղևորափոխադրումները և բեռնափոխադրումները, ինչպես նաև նրանց տարածքով տարանցիկ փոխադրումները զարգացնելու և թեթևացնելու նպատակով, ինչպես նաև հաշվի առնելով ԵՏՄ համաձայնագրի դրույթները։ –0–