ԵՐԵՎԱՆ, 14 ապրիլի. /Նովոստի–Արմենիա/. Երևանում ցուցարարները ներխուժել են Հանրային ռադիոյի շենք:
Ուրբաթ երեկոյան «Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության առաջնորդ Նիկոլ Փաշինյանը շուրջօրյա ակցիա է անցկացրել Սերժ Սարգսյանի հնարավոր վարչապետության դեմ: Ակցիայի մասնակիցները փակել են երթևեկությունը Ֆրանսիայի հրապարակում` ամբողջովին արգելափակելով բոլոր հինգ մուտքերը դեպի հրապարակ: Ակցիան շարունակվում է արդեն մոտ 19 ժամ:
«Մենք գործելու ենք միայն «բարձրացված ձեռքերի» մարտավարությամբ: Ամեն ինչ պետք է անցնի խաղաղ և առանց ուժի գործադրման»,- ասաց Փաշինյանը:
Ակտիվիստները բարձրացան շենքի երրորդ հարկ և մտան ստուդիական սենյակներից մեկը, որտեղ Փաշինյանն ուղիղ եթե պահանջեց` համաքաղաքացիներին դիմելու համար: Նա ներողություն խնդրեց կառույցի աշխատակիցներից պատչառած անհարմարությունների համար, բայց ընդգծեց, որ դրանով իսկ ակտիվիստները պայքարում են ավելի մեծ անհարմարությունների դեմ:
Շենքի անվտանգության ծառայության աշխատակիցը խնդրեց բոլորին լքել շենքը, ինչին ի պատասխան Փաշինյանը խնդրեց հարգանք դրսևորել ակցիայի մասնակիցների նկատմամբ:
Загружается новость ...
"Право"
Հանրային ռադիոյի փոխտնօրեն Լիլիթ Թումանյանն իր հերթին առաջարկեց մասնակցել «Ստատուս քվո» հաղորդմանը, որը եթեր կհեռարձակվի ժամը 19:00-ին` հորդորելով պահպանել թողարկումների եթերի ընթացակարգը:
«Հանրային ռադիոն վերջին երկու տարիների ընթացքում ոչ ոքին, այդ թվում, ուղիղ եթերով արտահայտվելու հնարավորության հարցում չի մերժել, դրա համար գոյություն ունի հատուկ ժամ, բայց չի կարելի խախտել հեռարձակման ցանցը»,- ասաց նա:
Սակայն Փաշինյանն այդ առաջարկն անընդունելի համարեց` պահանջելով անհապաղ եթե, ընդ որում` ոչ թե հարցազրույցի, այլ հայտարարության ձևաչափով:
Թումանյանը խոստացավ քննարկել Փաշինյանի առաջարկը ղեկավարության հետ: -0-