Տեղումներ են սպասվում Երևանում և ՀՀ մարզերում

ԵՐԵՎԱՆ, 7 հունվարի. /Նովոստի-Արմենիա/. Հայհիդրոմետկենտրոնը ներկայացրել է առաջիկա օրերի եղանակի կանխատեսումը:

Հանրապետության տարածքում հունվարի 8-ին, իննին և տասներկուսին սպասվում է առանց տեղումների եղանակ: Հունվարի 10-12-ին Լոռու, Տավուշի և Սյունիքի մարզերում, ինչպես նաև Արցախում սպասվում են թույլ տեղումներ, տեղ-տեղ` մառախուղ: Քամին կլինի հարավ-արևմտյան` 3-8 մետր վայրկյան արագությամբ և պոռթկումներով:


Օդի ջերմաստիճանը հունվարի 10-ի ցերեկը կնվազի 2-3 աստիճանով, Լոռու, Տավուշի, Սյունիքի մարզերում և Արցախում` 4-6 աստիճանով:

Երևանում հունվարի 8-ից 12-ը սպասվում է առանց տեղումների եղանակ: Ցերեկային ժամերին օդը կտաքանա մինչև 10 աստիճան տաքություն, գիշերը սպասվում են սառնամանիքներ` մինչև 5 աստիճան ցուրտ: -0-