ավարտված Եվրոպական և ասիական մեդիաների (ԵԱՄՖ) մասնակիցները քննարկել են ինտերնետ օգտատիրոջ վրա սոցիալական ցանցերի ազդեցության հարցը, հաղորդում է ՌԻԱ Նովոստին:
«Սոցիալական ցանցեր՝ 21-րդ դարի հրա՞շք, թե՞ ողբերգություն» բանավեճում, որը վարել է լրագրող Սվետլանա Սորոկինան, ֆորումի պատվիրակները տարբեր տեսակետներ են արտահայտել:
Բանավեճի մասնակիցներից մի քանիսը հակված չեն ողբերգականացնելու մարդկանց անձի վրա սոցիալական ցանցերի ազդեցությունը: Այսպես, Ռուսաստանի ինտերնետ հրատարակիչների ասոցիացիայի նախագահ Իվան Զասուրսկին կարծիք է հայտնել, որ սոցցանցերը հեռախոսագրքի նմանակն են:
«Սոցիալական ցանցերն առաջին մոտեցմամբ նույն հեռախոսագիրքն է, բայց յուրաքանչյուրին ավելի արագ հասնելու, ինչպես նաև թարմացումներ ստանալու հնարավորությամբ այն մասին, թե ինչ է տեղի ունենում քո հեռախոսագրքի այս կամ այն մարդու հետ»,- ասել է Զասուրսկին՝ այդպիսի «հեռախոսագրքի» գլխավոր առավելություններից մեկը համարելով դա չկորցնելու հնարավորությունը:
Ինտերնետ հրատարակիչների ասոցիացիայի նախագահը միաժամանակ խոստովանեց, որ տեղեկատվական նոր միջավայրը փոխում է մարդկանց մոտեցումը տեղեկությունը հիշելուն:
«Այն մարդը, ում համար սովորություն է դառնում օրը քսանչորս ժամ, շաբաթը յոթ օր տեղեկության հասանելիությունը, փաստեր և թվեր հիշելու փոխարեն, ավելի կարևորում է այն, թե որտեղ կարելի է գտնել այդ տեղեկությունը: Իմ կարծիքով, որոշ չափով նվազում է հետաքրքրությունը մանրամասների նկատմամբ: Որովհետև տպավորություն կա, որ միշտ սա կարելի է ինչ-որ մի տեղ նայել»,- ասել է Զասուրսկին:
Ուղեղի ֆիզիոլոգիայի ոլորտի բրիտանացի առաջատար գիտնական բարոնուհի Սյուզան Գրինֆիլդի կարծիքով՝ սոցիալական ցանցերի խնդիրն այն է, որ դրանք ստեղծում են «որոշակի նոր միջավայր, որում մենք չենք փոխազդում միմյանց հետ»:
«Իրական աշխարհի հաղորդակցությունը հայացքներ են, հպումներ, մարմնի, ժեստերի լեզու: Վիրտուալ աշխարհում այս ամենը չկա: Մենք չենք կիրառում մարդկային նորմալ շփման փորձը: Պետք է վախենալ ոչ թե սոցիալական ցանցերից, այլ նրանից, թե ինչ են դրանք սովորեցնում, ինչպիսի փորձ ենք ձեռք բերում դրանց օգնությամբ: Համոզված եմ, որ, նախևառաջ, երիտասարդներին, մինչ նրանք կսկսեն շփվել ցանցում, անհրաժեշտ է իրական մարդկային շփման փորձ ձեռք բերել»,- ասել է բարոնուհին հարցազրույցում, որի վիդեոհատվածը ցուցադրվել է բանավեճի ընթացքում:
Նա հայտնել է նաև, որ Միչիգանի համալսարանի գիտնականները 30 տարիների ընթացքում հետազոտել են 14 հազար ուսանողների և նրանց մոտ ցավակցելու և կարեկցելու ընդունակության նվազում են հայտնաբերել, հատկապես՝ վերջին 10 տարիներին:
Սոցիալական ցանցերի բացասական գործոնների թվում բանախոսները նշեցին սահմանների ջնջումն անձնական տեղեկության և այն տեղեկության միջև, որը լայն հասարակայնության քննարկման առարկա է դառնում, ինչպես նաև անձնական շփման պակաս է առաջացնում, ինչը կարող է հանգեցնել «Skype-ի՝ սեղանի շուրջ զրույցների»:
Բացի այդ, պատվիրակներից մեկը նշել է, որ սոցիալական ցանցերի չարաշահումը կարող է հանգեցնել «ավագ եղբոր էֆեկտի, ով ամենուր հետևում է մեզ»:
ArmRADIO ռադիոկայանի տնօրեն, Հայաստանի PR-մասնագետների ասոցիացիայի փոխնախագահ Արման Սաղաթելյանը համեմատել է սոցցանցերը դեղամիջոցի հետ, որը մեծ չափաբաժնով թույնի է վերածվում: -0-
Եվրոպական և ասիական մեդիայի ֆորումի հեռարձակումը կարող եք դիտել Facebook-ում
Եվրոպական և ասիական մեդիայի ֆորումի հեռարձակումը կարող եք դիտել Twitter-ում
