Խաբեբան մոսկվացի բանկիրից Այվազովսկու 18 մլն ռուբլի արժողությամբ նկարն է գողացել

ԵՐԵՎԱՆ, 15 հուլիսի. /Նովոստի-Արմենիա/. Մոսկվայում խաբեբան բանկի տնօրենից գողացել է հայտնի ծովանկարիչ Հովհաննես Այվազովսկու 18 մլն ռուբլի արժողությամբ  «Անհողմ ծովափ։ Սայլակով և նավակով պեյզաժ» կտավը, ուրբաթ «ՌԻԱ Նովոստիին» հաղորդեց մայրաքաղաքի իրավապահ մարմինների աղբյուրը։

Ըստ նրա՝ օպերատիվ աշխատողները ձերբակալել են խաբեբային, բայց նկարն անհետ կորել է։ Աղբյուրը պարզաբանել է, որ անցյալ տարվա մայիսից Մոսկվայի բանկերից մեկի տնօրենի վստահված անձը կտավ է փոխանցել մայրաքաղաքի բնակչուհուն՝ վերականգնելու համար։ Հետևաբար նկարը, որը մտնում է «Ծովային պեյզաժ» շարքի մեջ, կորել է։

«Օպերատիվ միջոցառումների ընթացքում ոստիկանները առգրավել են գողության մեջ  կասկածելի նկարները, սակայն կորած կտավը դեռ չի հայտնաբերվել»,- ասել է գործակալության թղթակիցը։

Աղբյուրը պարզաբանել է, որ կորած հազվագյուտ արժեքը տերը 18 մլն ռուբլի է գնահատել։ Միաժամանակ ոստիկանությունից նշել են, որ նկարի իսկությունը հաստատող փաստաթղթերը իրենց չեն տրամադրվել։ -0-