Սիբիրցի նկարիչները Մոսկվայի ՀՌՑԿ տարածքում 3D ավազան են ստեղծել

Սիբիրցի նկարիչները Մոսկվայի Համառուսական ցուցահանդեսային կենտրոնի տարածքում ասֆալտի վրա 50 քառակուսի մետր տարածքով ավազանի եռաչափ պատկեր են նկարել, հաղորդում է համալիրի մամուլի ծառայությունը։

«Հուլիսի տասին Համառուսական ցուցահանդեսային կենտրոնի տարածքում անսովոր 3D ավազան է հայտնվել։ Գրաֆիտիի երեք վարպետներ այն նկարել են հենց արդյունաբերության հրապարակի ասֆալտին՝ «Վոստոկ» հրթիռակիրի մակետի դիմաց,- ասվում է հաղորդագրության մեջ, հաղորդում է «ՌԻԱ Նովոստին»։

Ըստ մամուլի ծառայության տվյալների՝ Սիբիրցի նկարիչները պատկերը նկարել են ասֆալտի վրա մեկ օրվա ընթացքում։ «Բազմաժամյա աշխատանքի արդյունքում ստացվել է շուրջ 50 քառակուսի մետր տարածքով 3D ավազան»,- պարզաբանվում է հաղորդագրության մեջ։

«Տվյալ գովազդային ակցիան կազմակերպիչները նվիրել են Red Bull Flugtag ինքնաշեն թռչող ապարատների փառատոնին, որը տեղի կունենա օգոստոսի 7-ին Մոսկվայում՝ Ստրոգինո լողափում»,- ավելացվում է հաղորդագրության մեջ։ -0-