Մոսկվայի իշխանությունները պայմանավորվում են Լուժնիկիի տոնավաճառի սեփականատիրոջ հետ տոնավաճառի փակման մասին

Մոսկվայի իշխանությունները բանակցություններ են վարում Լուժնիկիում գտնվող տոնավաճառի փակման շուրջ, ուրբաթ լրագրողներին տեղեկացրել է Մոսկվայի առևտրի և ծառայությունների դեպարտամենտի ղեկավար Միխայիլ Օռլովը:

«Բացի առևտրային-տոնավաճառային համալիրից, մենք ունենք երկրորդ օբյեկտը՝ Լուժնիկիի տոնավաճառը: Որոշում է ընդունվել այս օբյեկտը փակելու մասին, այժմ բանակցություններ են ընթանում սեփականատիրոջ հետ», - ասել է նա, հաղորդում է «ՌԻԱ Նովոստին»:

Օռլովը նշել է, որ Լուժնիկիի տարածքում խոշոր առևտրային օբյեկտներ չեն լինի:-0-