Հսկայական փազլի հավաքման համաշխարհային ռեկորդ կփորձեն սահմանել Տագանրոգի առաջնությունում

Փազլերի սիրահարները կփորձեն 24 հազար դետալներից բաղկացած հսկայական խճանկարի արագ հավաքման համաշխարհային ռեկորդ սահմանել Փազլերի արագ հավաքման առաջնությունում, որը կանցկացվի չորեքշաբթի Ռոստովի մարզի Տագանրոգ քաղաքում, «ՌԻԱ Նովոստիին» է հայտնել մրցաշարի կազմակերպիչներից Սերգեյ Սուպրունովը։

Նրա խոսքով՝ նմանատիպ խճանկար արդեն հավաքել են նախկինում, բայց առաջնության մասնակիցները հույս ունեն բարելավել այդ նվաճումը։

«Մոտ 10 քառակուսի մետրանոց փազլը բաղկացած է 24 հազար դետալներից։ Նախկինում նման փազլ են հավաքել արդեն 36 մարդուց բաղկացած մեծ թիմ։ Դա արել են թայլանդցիները մոտ երեք տարի առաջ 14 ժամ 5 րոպեի ընթացքում։ Մենք ցանկանում ենք գերազանցել այդ ռեկորդը։ 38-հոգանոց թիմով մենք ցանկանում ենք ավելի արագ անել դա»,- ասել է Սուպրունովը։ Ըստ նրա, ռեկորդի սահմանման հնարավորությունները շատ մեծ են։

Նա ավելացրել է, որ այս փազլը կոչվում  է «Life», և մինչև վերջերս համարվել է աշխարհի ամենամեծ փազլը։

«Սա աշխարհում արդյունաբերական եղանակով ստացված ամենամեծ փազլն է։ Ներկայումս դրանից մեծը կա՝ 32 հազար դետալից, բայց սարսափելի նկարով, որը ոչ ոքի դուր չի գալիս»,- ասել է Սուպրունովը։

Նրա խոսքով՝ եթե ռեկորդը հաջողվի սահմանել, ապա հավանականություն կա, որ այն կգրանցվի Գինեսի ռեկորդների գրքում։ -0-