Չերնովցիի հայկական համայնքը կտոնի Սուրբ Պողոս և Պետրոս Առաքյալների եկեղեցու 135-ամյակը

Չերնովցիի հայկական համայնքը շաբաթ օրը կտոնի Սուրբ Պողոս և Պետրոս Առաքյալների հայկական եկեղեցու 135-ամյակը, հաղորդում է Analitika.at.ua-ը։

Ինչպես հայտնեց Չերնովցիի «Արևիկ» մարզային հայկական ազգային-մշակութային միության նախագահ Վիկտոր Դավիդովիչը, եկեղեցում տոնական աարարողություն կկատարվի, որին նախատեսվում է հայկական սփյուռքի ներկայացուցիչների և տեղական իշխանությունների ներկայությունը։ Այնուհետև, հայկական ավանդույթի համաձայն, մատաղի կարվի և կբաժանվի ներկաներին:  

Եկեղեցու շինարարությունը սկսվել է 1869թ.-ին պատմական հայկական թաղամասում, իսկ 1875թ.-ի հոկտեմբերի 9-ին հանճարեղ չեխ ճարտարապետ Յոզեֆ Գլավկի կերտվածքը հանդիսավոր կերպով օծվել է՝ ի պատիվ Սուրբ Պողոս և Պետրոս Առաքյալների։

Հայկական եկեղեցու ճարտարապետական կոմպոզիցիայում Յոզեֆ Գլավկան օրիգինալ կերպով միաձուլել է ռոմանական, բյուզանդական և գոթական ոճերի էլեմենտները, որոնք բնորոշ են միջնադարյան բուկովինյան վանքերին՝ հայկական կրոնական ճարտարապետության ավանդույթներով։ -0-