ՌԴ ԱԳՆ ղեկավարը և ՄԱԿ-ի գլխավոր քարտուղարը քննարկել են Ղրղզստանի իրավիճակը
ՌԴ արտգործնախարար Սերգեյ Լավրովը և ՄԱԿ-ի գլխավոր քարտուղար Պան Գի Մունը հեռախոսով քննարկել են Ղրղզստանի հարավում միջէթնիկական հակամարտության հետ կապված իրավիճակը, չորեքշաբթի «ՌԻԱ Նովոստիին» հաղորդեցին ՌԴ ԱԳՆ-ից։
Վերջին պաշտոնական տվյալների համաձայն՝ հանրապետության հարավում տեղի ունեցած բախումների զոհ է դարձել 179 մարդ, 1,8 հազարից ավելին վիրավորվել է: Ենթադրվում է, որ այս տվյալները լիարժեք չեն, և անկարգությունների զոհերի իրական թիվն ավելի է: Հակամարտության մեջ ներգրավված շրջանները կարող էին լքել մինչև 100 հազար փախստական և բռնի տեղահանված:
Ղրղզների և ուզբեկների միջև բախումները սկսվեցին Ղրղզստանի հարավում գտնվող Օշ քաղաքում հունիսի 11-ի գիշերը: Հանրապետության ժամանակավոր կառավարությունը Օշ շրջանում արտակարգ դրություն է հայտարարել: Շաբաթ օրը անկարգությունները տեղափոխվեցին հարևան Ջալալ-Աբադի շրջան, որտեղ ևս արտակարգ դրություն է հայտարարվել:
«Ռուսական կողմից քաղաքացիական բնակչության շրջանում զոհերի, ինչպես նաև ղրղզսաուզբեկական սահմանի տարածքում փախստականների զգալի թվի կապակցությամբ մտահոգություն է արտահայտվել։ Սերգեյ Լավրովը մանրամասն տեղեկացրել է Ղրղզստանում իրավիճակի կայունացման հարցով ռուս ղեկավարության ջանքերի մասին, ինչպես նաև ՀԱՊԿ շրջանակներում համապատասխան աշխատանքների մասին»,- ասվում է հաղորդագրության մեջ։ -0-
