Պողոս Գալստյանը գլխավորել է Պրեմիեր-լիգայի «Կուբան» ֆուտբոլային ակումբ

Պողոս Գալստանն աշխատանքի է անցել «Կուբանում» որպես թիմի ավագ մարզիչ, տեղեկացնում է Կրասնոդարի ֆուտբոլային ակումբի պաշտոնական կայքը:

Սերգեյ Օվչիննիկովին, ում գլխավորությամբ «Կուբանը» 17 խաղերում հավաքել է 15 միավոր և այժմ զբաղեցնում է պրամիեր-լիգայի մրցաշարային աղյուսակի 14-րդ տեղը, Կրասնոդարի ակումբի ղեկավարությունն ազատել է օգոստոսի 9-ին Պոդմոսկովիեի «Սատուռնից» սեփական հարկի տակ կրած պարտությունից հետո (0:2): «Կուբանի» հայտարարությունում նշվում է, որ Գալստյանն «արդեն լավ ծանոթ է Կուբանի ֆուտբոլասերներին` թիմի հետ իր աշխատանքի շնորհիվ նախորդ և ներկա խաղաշրջաններում»։

«Այս տարվա հունիսին ընտանեկան հանգամանքներով ֆուտբոլային կոլեկտիվից  հեռանալուց հետո Պողոս Գալստյանն այժմ կրկին մարզիչների շտաբի կազմում է, որը նախապատրաստում է «Կուբանը» ռուսաստանյան պրեմիեր-լիգայի խաղերին»,-տեղեկացնում է ակումբի մամուլի ծառայությունը:

Գալստյանն այս խաղաշրջանը սկսել է որպես Օվչիննիկովի օգնական, բայց մայիսի 30-ին «Զենիթի» հետ կայացած խաղից հետո 48-ամյա մասնագետը լքել է «Կուբանն» ընտանեկան հանգամանքներով և հունիսի 3-ին պաշտոնապես հետ է կանչվել կրասնոդարցիների կողմից:

Ռուսաստանի առաջնության 18-րդ փուլում օգոստոսի 16-ին «Կուբանը» Տոմսկում կխաղա «Տոմի» հետ: -0-