Ադրբեջանի, Հայաստանի, Բելառուսի, Ղազախստանի, Ղրղզստանի, Մոլդովայի, Ռուսաստանի, Տաջիկստանի և Ուզբեկստանի գրադարանավարները, ԱՊՀ երկրների առաջատար գրադարաններ մասնագիտական ուսումնական շրջագայության շրջանակներում, մարտի 10-11-ը կայցելեն Կիև։
Այցելությունը Ուկրաինայի մայրաքաղաք կեզրափակի շրջագայությունը, որն անցկացվում էր Բիշքեկ-Մոսկվա-Սանկտ Պետերբուրգ-Մինսկ-Կիև երթուղով, հաղորդում է «ՌԻԱ Նովոստին»։
Ինչպես հաղորդել է ՈՒՆԻԱՆ գործակալությունը, Կիևում գրադարանավարները կայցելեն Ուկրաինայում լավագույններից մեկը համարվող Կիևյան-Մոգիլյանսկյան ակադեմիայի գրադարան, ինչպես նաև Ուկրաինայի Պատանեկան պետական գրադարան, որտեղ նրանք փորձի փոխանակում կիրականացնեն, կքննարկեն գրքերի ֆոնդերի թարմացման, գրքափոխանակության ընդլայնման խնդիրները։
ԱՊՀ երկրների գրադարանավարների՝ ԱՊՀ առաջատար գրադարաններ մասնագիտական ուսումնական շրջագայությունն անցկացվում է առաջին անգամ։ Այն կազմակերպել է ԱՊՀ մասնակից-պետությունների Հումանիտար համագործակցության միջպետական հիմնադրամը, որի ստեղծման մասին պայմանագիրը ստորագրել են ԱՊՀ ութ մասնակից-երկրները՝ Ռուսաստանը, Ադրբեջանը, Հայաստանը, Բելառուսը, Ղազախստանը, Տաջիկստանը և Ուզբեկստանը։-0-
