Ռուսաստանը 2008 թ.-ին աֆրիկյան երկրներին 20 միլիարդ դոլարի պարտք է դուրս գրել. ՌԴ ԱԳՆ

ԵՐԵՎԱՆ, 6 մարտի. /Նովոստի-Արմենիա/. Ռուսաստանը 2008 թ.-ին Աֆրիկային աջակցություն ցուցաբերելու շրջանակներում այդ մայրցամաքի երկրներին 20 միլիարդ դոլարի պարտք է դուրս գրել, ուրբաթ հաղորդում է ՌԴ ԱԳՆ-ն։

«Դուրս գրված պարտքի ծավալը կազմել է 20 միլիարդ դոլար», - ասվում է ՌԴ ԱԳՆ-ի կայքում հրապարակված «2008 թ.-ին Ռուսաստանի արտաքին-քաղաքական գործունեության ամփոփման» մեջ, հաղորդում է «ՌԻԱ Նովոստին»։

Ինչպես նշվում է փաստաթղթի մեջ, այժմ բանակցություններ են ընթանում Բենինի, Գվինեայի, Զամբիայի, Մադագասկարի, Մոզամբիկի, Տանզանիայի և Եթովպիայի հետ՝ իրենց պարտքերի դուրս գրման վերաբերյալ, որոնք կազմում են մոտ 500 միլիոն դոլար։

ՌԴ ԱԳՆ-ից ընդգծել են, որ «Աֆրիկային աջակցություն ցուցաբերելու հավաքական ջանքերի մեջ ռուսական հիմնական ներդրումը նախկինի պես կապված է մայրցամաքի պետությունների պարտքային բեռի թեթևացման հետ»։-0-