ԱՊՀ կառավարությունների ղեկավարները հանդիպել են Քիշնևում

ԵՐԵՎԱՆ, 14 նոյեմբերի. /Նովոստի-Արմենիա/. ՌԴ վարչապետ Վլադիմիր Պուտինը մասնակցում է ԱՊՀ կառավարության ղեկավարների հանդիպմանը Քիշնևում։ Հանդիպումը բացեց Մոլդովայի նախագահ Վլադիմիր Վորոնինը՝ վարչապետներին մաղթելով հաջող և արգասաբեր աշխատանք։

«Քիշնևում միշտ ինչ-որ բան տեղի է ունենում նման հանդիպումների ժամանակ։ Ցանկանում ենք, որ այժմ էլ մի օգտակար բան տեղի ունենա մեր ժողովուրդների համար»,- ասել է նա, հաղորդում է ՌԻԱ Նովոստին։

ԱՊՀ կառավարությունների ղեկավարների խորհրդի նիստի ընթացքում կկայանան նաև վարչապետների երկկողմ հանդիպումներ։ Պուտինը, ինչպես ակնկալվում է, կհանդիպի իր ուկրաինացի գործընկեր Յուլիա Տիմոշենկոյի հետ։ Նրանք կքննարկեն Ոիկրաինայի քաղաքական իրավիճակը և ռուսական գազի տրամադրման թեման։

Բացի այդ, կկայանան Պուտինի և Մոլդովայի նախագահի ու վարչապետի բանակցությունները։ Ուշադրության կենտրոնում է մերձդնեստրյան կարգավորումն ու տնտեսական համագործակցությունը, այդ թվում՝ էներգետիկայի ոլորտում։

Բանակցությունների արդյունքում կողմերը, ինչպես ակնկալվում է, կստորագրեն 2009-2010թթ. Մոլդովայի և Ռուսաստանի միջև տնտեսական համագործակցության ծրագիր։ 1999թ.-ին ստորագրված ներկա ծրագրի գործողության ժամկետը լրանում է այս տարի։ -0-