ԱՊՀ երկրների գիտնականները Բիշքեկում կքննարկեն Համագործակցության պետությունների գիտության զարգացման ռազմավարությունը

ԵՐԵՎԱՆ, 2 հոկտեմբերի. /Նովոստի-Արմենիա/. ԱՊՀ երկրների գիտության և տեխնիկայի պետկազմակերպությունների ղեկավարները կքննարկեն Համագործակցության պետություններում հիմնարար և կիրառական գիտության զարգացման ռազմավարությունը համատեղ խորհրդակցությունում, որը տեղի կունենա Բիշքեկում հոկտեմբերի 2-3-ը, երեքշաբթի «ՌԻԱ Նովոստիին» հայտնեցին ԳԱԱ մամուլի ծառայությունից։

Խորհրդակցության մասնակիցները կքննարկեն ԱՊՀ տարածքում նանոտեխնոլոգիաների զարգացման հեռանկարները, Դուբնայի Միջուկային հետազոտությունների միացյալ ինստիտուտի հիման վրա Նանոտեխնոլոգիաների միջպետական նորարարական կենտրոնի ստեղծման հարցը։

Գիտնականները կքննարկեն նաև ԱՊՀ մասնակից պետությունների միասնական գիտահետազոտական կառույցի ձևավորման հնարավորությունը և ԱՊՀ-ում հիմնարար գիտության բնագավառում ճյուղային համագործակցության մարմնի ստեղծումը, որը կհամակարգի և կորոշի տվյալ ոլորտում պետությունների փոխգործակցության առաջնահերթությունները, կլուծի համատեղ նախագծերի և ծրագրերի ֆինանսավորման հարցերը։ -0-