ՌԴ նախագահը և ՊԱԻ ղեկավարը Մոսկվայում քննարկել են պաղեստինցիներին օգնություն տրամադրելու հարցը

Պաղեստինի ազգային ինքնավարության նախագահ Մահմուդ Աբբասը ՌԴ նախագահ Վլադիմիր Պուտինի հետ բանակցություններում քննարկել է պաղեստինցիներին օգնություն տրամադրելու խնդիրները, տեղեկացրել է Աբբասը երեքշաբթի Մոսկվայում տեղի ունեցած մամուլի-ասուլիսում։

«Մենք քննարկել ենք օգնության բոլոր ձևերը, բայց այժմ հնարավոր չեմ համարում որևէ կոնկրետ բան ասել»,- հայտնել է Աբբասը, պատասխանելով այն հարցին, թե քննարկվե՞լ է արդյոք Պաղեստին ռուսական БТР-70 զրահամեքենաներ մատակարարելու հարցը։

«Տնտեսական օգնության հարցերը, ինչպես նաև անվտանգության խնդիրները միշտապես Ռուսաստանի հետ մեր բանակցությունների օրակարգում են»,- ՌԻԱ Նոովստիի հաղորդմամբ՝  ասել է նա։

Աբբասի խոսքերով, գոյություն ունի ռուս-պաղեստինյան համատեղ հանձնաժողով, որը ստեղծվել է 25 տարի առաջ։ Հենց այստեղ էլ կքննարկվեն և կընդունվեն Պաղեստինի ժողովրդին օգնելու մասին որոշումները։-0--