Նվազագույն աշխատավարձը ՀՀ–ում 2016 թ.–ին չի բարձրանա

ԵՐԵՎԱՆ, 28 ապրիլի. /Նովոստի–Արմենիա/. Նվազագույն աշխատավարձը Հայաստանում 2016 թվականին չի բարձրանա, հինգշաբթի կառավարության նիստում ասաց աշխատանքի և սոցիալական հարցերի նախարար Արտեմ Ասատրյանը, հայտնում է «ԱՌԿԱ» գործակալությունը։

Հայաստանի կառավարությունը հինգշաբթի մերժեց պատգամավոր Միքայել Մելքումյանի օրենսդրական նախաձեռնությունը 2016 թվականի հուլիսի 1–ից ներկայիս 55 հազար դրամից մինչև 65 հազար դրամ բարձրացնելու մասին։

Նախարարը նշեց, որ վերջին տարիներին կառավարության քաղաքականությունն ուղղված էր նվազագույն աշխատավարձի շարունակական բարձրացմանը, որը 2013 թվականից մինչև 2015 թվականը 33.5 հազար դրամից բարձրացել է մինչև 55 հազար դրամ` ավելանալով 64.3 տոկոսով։


Նա նշեց, որ նվազագույն աշխատավարձի բարձրացումը, որի համաձայն, 2017 թվականին այն պետք է բարձրանար մինչև 65 հազար դրամ, ինչը ենթադրում էր լրացուցիչ ֆինանսական ծախսեր, որոնք նախատեսված չէին 2016-2018 թվականների միջնաժամկետ ծախսերի ծրագրով։

«Նախնական տվյալներով, միայն 2016 թվականին դա բյուջեի համար կարժենար 13 մլրդ դրամ, որը նա չունի։ Իսկ հաշվի առնելով նաև զբաղվածության մակարդակի վրա նվազագույն աշխատավարձի բարձրացման վերաբերյալ առկա մտահոգությունը` որոշում է ընդունվել զերծ մնալ այն բարձրացնելուց»,– ասաց Ասատրյանը ($1 – 479,38 դրամ)։ --0--