«Նովոստի–Արմենիա» ՄԼԳ–ն գործարկել է նոր, հայկական շուկայում native գովազդի աննախադեպ նախագիծ

ԵՐԵՎԱՆ,11 նոյեմբերի. /Նովոստի–Արմենիա/. «Նովոստի–Արմենիա» միջազգային լրատվության գործակալությունը ներկայացնում է նոր` հայկական շուկայում աննախադեպ մի նախագիծ` «Բլոկնոտ»։

«Բլոկնոտը» «native գովազդի» բաժին է, որը ժամանակակից թվային մարկետինգի առանձնահատկություններից է և կօգնի պատվիրատուին ավելացնել հաճախորդների թիվն ու վաճառքի ծավալները։ Native գովազդի նպատակն է ստեղծել ավելի բնական և պակաս ձանձրացնող գովազդ։

«Մենք միշտ հետաքրքրությամբ հետևում ենք նորարար միտումներին, այդ թվում` գովազդի ոլորտում։ Բնական գովազդի նման ձևաչափը թույլ է տալիս օգտատերերին գտնել հետաքրքիր կոնտենտ, իսկ ապրանքանիշերին` ոչ ձանձրալի կերպով ներկայացնել ապրանքը», – նշել է «Նովոստի–Արմենիա» գործակալության գլխավոր տնօրեն Գալինա Դավիդյանը։

Native գովազդը (բնական գովազդ) «միահյուսվում է» կոնտենտի հիմնական հոսքի հետ և համապատասխանում է նրան իր ձևաչափով և բովանդակությամբ` ի տարբերություն ավանդական գովազդի, որտեղ մեծ է «բաներային կուրության» հավանականությունը, երբ մարդը պարզապես չի նկատում գովազդային հաղորդագրությունն ինֆորմացիայի առատության պատճառով։

Վիճակագրության համաձայն, օգտատերերն ուշադրություն են դարձնում native գովազդին առնվազն 25%–ով ավելի հաճախ, քան ավանդական բաներային գովազդին։ Ընդ որում, նրանք ոչ միայն ուշադրություն են դարձնում, այլ նաև տարածում այն։ Native նյութերի դիտումների ժամանակահատվածը մոտավորապես նույնն է, ինչ սովորական հոդվածներինը։

Native գովազդի հանրաճանաչությունը տարեցտարի աճում է։ The New York Times–ի, The Wall Street Journal–ի, The Washington Post–ի նման նորությունների ավանդական աղբյուրներն օգտվում են native գովազդից։

Ուսումնասիրե՛ք, կիրառե՛ք, ստացե՛ք մեծ արդյունքներ «Նովոստի–Արմենիա» գործակալության «Բլոկնոտ» (http://newsarmenia.am/cards/) նոր նախագծի հետ։

«Նովոստի–Արմենիա» միջազգային լրատվության գործակալությունն ավելի քան 10 տարի աշխատում է Հայաստանի տեղեկատվական ոլորտում և մեդիաշուկայի առաջատարներից մեկն է։ -0-