Ջերմաստիճանի նվազման նոր ալիք կծածկի Հայաստանը

ԵՐԵՎԱՆ, 30 հոկտեմբերի. /Նովոստի–Արմենիա/. Հայհիդրոմետկենտրոնը ներկայացրել է առաջիկա օրերի եղանակի կանխատեսումը։

Հոկտեմբերի 30-31–ը սպասվում է առանց տեղումների եղանակ։ Նոյեմբերի 1–ին և 3–ին Լոռու, Տավուշի, Սյունիքի մարզերում և Արցախում, նոյեմբերի 2–ին` առանձին շրջաններում սպասվում են թույլ տեղումներ։ Քամին կլինի հյուսիս–արևելյան` 3-8 մետր վայրկյան արագությամբ։

Նոյեմբերի 1–ին և 2–ին օդի ջերմաստիճանը կնվազի 5-6 աստիճանով, Լոռու, Տավուշի, Սյունիքի մարզերում և Արցախում` 6-8 աստիճանով։

Երևանում նշված ժամանակահատվածում սպասվում է առանց տեղումների եղանակ։ Օդի ջերմաստիճանը երեքշաբթի ցերեկը կհասնի 16-18 աստիճան տաքության, գիշերը` 3-5 աստիճան տաքության։ -0-