ԵՐԵՎԱՆ, 22 մարտի. /Նովոստի–Արմենիա/. 2015թ. նոյեմբերի 1-ից մինչ 2016թ. մարտի 1-ը ՀԷՑ տեղամասերի պետերի կամ տեսուչների կողմից հավելագրումների կամ էլեկտրաէներգիայի «գողության» 24 դեպք է արձանագրվել, գրում է «Ժողովուրդ» թերթը։
Ինչպես գրում է թերթը, ՀԷՑ-ի տված մեկնաբանության համաձայն, «ընդհանուր առմամբ վերահաշվարկվել է 68.328 կվտժ էլեկտրաէներգիա։ Նշված դեպքերի առթիվ ընկերությունում իրականացվել են ծառայողական քննություններ, աշխատանքից հեռացվել է թվով 10 տեսուչ և 8 տեղամասի պետ»,– նշված է ՀԷՑ-ի պատասխանում։
«Հայաստանի Էլեկտրական ցանցեր» ՓԲԸ-ում նախորդ տարվա նոյեմբերի 1–ից ստուգումներ են սկսվել, որոնց արդյունքում տեղամասերի որոշ պետեր մեծ պարտքերի «տակ են ընկել», քանի որ բազմաթիվ տեղամասերում էլեկտրաէներգիայի կորուստների կամ հավելագրումների դեպքեր են արձանագրվել։ ՀԷՑ-ի տնօրինությունը պատասխանատուներին ոչ միայն ազատել է աշխատանքից, այլ նաև պահանջել է վերադարձնել գումարները, գրում է թերթը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
