ԵՐԵՎԱՆ, 6 հունիսի. /Նովոստի-Արմենիա/. Նախօրեին Հայաստանում մեկնարկել է «Base Fest» բեյսջամփինգի առաջին փառատոնը, որը կտևի հինգ օր: Մոտ քառասուն բեյսջամփեր Հայաստանից, Շվեյցարիայից, Ռուսաստանից, Պորտուգալիայից, Գերմանիայից, Ֆրանսիայից և այլ երկրներից կատարել են էքստրեմալ վտանգավոր թռիչքներ Տաթևի ճոպանուղու` 320 մետր բարձրություն վրա գտնվող խցիկներից:
Փառատոնի բացառիկությունը
Բեյսջամփինգն էքստրեմալ մարզաձև է, որում կիրառվում է ֆիքսված օբյեկտներից ցատկելու համար նախատեսված հատուկ պարաշյուտ: Այսօր բեյսջամփինգը մեծ տարածում է ձեռք բերում ամբողջ աշխարհում: Այն կազմակերպվել է նաև Հայաստանում:
Բեյսջամփինգի պատմության մեջ առաջին անգամ թռիչքի համար հարթակ է հանդիսացել Հայաստանի «ՏաԹևեր» ռևերսային ճոպանուղին, որը ներառված է Գինեսի ռեկորդների գրքում` որպես աշխարհում ամենաերկար ռևերսային ճոպանուղի։
Բնականաբար, բոլոր մարզիկները ստորագրել են համաձայնագիր, որի համաձայն, իրենք են պատասխանատվություն կրում պարաշյուտով թռիչքի ժամանակ ծագած ֆորսմաժորային իրավիճակների համար: Բարեբախտաբար, միջադեպեր չեն եղել: Դե իսկ կիրճի աներևակայելի գեղեցկությունը անկասկած նկատել են փառատոնի բոլոր մասնակիցները:
Բոլոր երկրների բեյսջամփերներ, միացե՛ք
«Նովոստի-Արմենիա» գործակալությունը զրուցել է բեյսջամփերների հետ` պարզելու համար, թե ինչու են նրանք որոշել զբաղվել այս մարզաձևով, ինչպես են տեղեկացել Հայաստանում այս մարզաձևի հնարավորությունների մասին և ինչ զգացումներով են սպասում թռիչքին:
Պարզվել է, որ փառատոնի մասին տեղեկատվությանը էքստրմի սիրահարները ծանոթացել են Facebook սոցիալական ցանցից, որտեղ այն հայտարարվել էր մեկ տարի առաջ: Ողջ աշխարհի բեյսջամփերները սերտ կապի մեջ են, և հանրության բոլոր անդամները նախապես ստանում են սպասվող միջացառումների վերաբերյալ ողջ տեղեկատվությունը:
Մասնավորապես, ռուս բեյսջանփեր Վիտալի Խոմովը խոստովանել է, որ Հայաստանում փառատոնի մասին իմանալով, ինքն իրեն որոշել է. «Հիմա, կամ երբեք»:
Վտանգավոր և գրավիչ բեյսջամփինգ
Լուսանկարը` Նարինե Ասլանյանի
Բոլոր բեյջամփերները գիտակցում են ճոպանուղուց ցատկելու հետ կապված բոլոր վտանգները, սակայն, չնայած յուրաքանչյուր ցատկից առաջ վախին, հանուն ադրենալինի, պատրաստ են ռիսկի դիմել:
Ռոման Լագունովը Ռուսաստանից պատմեց, որ այս տեսակի բեյսջամփինգի հիմնական վտանգները երկրորդ պարաշյուտի բացակայությունն է և վայրէջքի հրապարակի չափսերի սահմանափակությունը:
Հոլանդացի բեյսջանփեր Ռոնալդ Օվերդայկն, ընդհակառակը, գտնում է, որ այս մարզաձևի մյուս տեսակների համեմատ, ճոպանուղու խցիկներից ցատկելը համեմատաբար անվտանգ է, քանի որ շուրջբոլորն ազատ տարածություն կա:
«Ես երջանիկ եմ առաջին անգամ Հայաստանն այցելելու կապակցությամբ: Արդեն մեկ շաբաթ է` այստեղ եմ, և այն դարձել է անդադար ուրախության շաբաթ: Թռիչքը հոյակապ էր` մեծ արագություն, բազում տպավորություններ», - պատմել է իր զգացումների մասին Օվերդայկը:
Մի քիչ քաղաքականություն
Լուսանկարը` Նարինե Ասլանյանի
Փառատոնի մի քանի մասնակից ցատկեց Լեռնային Ղարաբաղի դրոշով: Այդպիսով, Հայաստանը, որպես ակտիվ հանգստի համար նախատեսված զոբսաշրջային հետաքրքիր ուղղություն, հանրաճանաչ դարձնելու նպատակից բացի, փառատոնի ընթացքում փորձ է արել նաև գրավել միջազգային հանրության ուշադրությունը ղարաբաղյան հակամարտությանը: -0-
