ԵՐԵՎԱՆ, 22 մայիսի. /Նովոստի-Արմենիա/. «Միսս Տիեզերք Հայաստան» և «Միսս Աշխարհ Հայաստան» գեղեցկության մրցույթները փառատոների ձևաչափով կանցկացվեն Երևանում և Գյումրիում, ասաց «Միսս Հայաստան» համահայկական մշակութային հիմնադրամի նախագծերի ղեկավար Ռուբինա Գրիգորյանը։
«Հուլիսի 1–ից 15–ը մեր քաղաքը կլցվի գեղեցկության ոգով։ Կանցկացվեն 4 առանձին միջոցառումներ, որոնց ընթացքում ժյուրին կընտրի «Միսս Տաղանդ», «Միսս Մարզական գեղեցկուհի», «Միսս Գեղեցկուհի թոփ–մոդել», որտեղ աղջիկները կներկայացնեն հայ երիտասարդ մոդելավորողների հավաքածուներ, և «Միսս Ինտելեկտուալ գեղեցկուհի»»,– չորեքշաբթի ասաց նա մամուլի ասուլիսում։
Նոր համահայկական մրցույթ փառատոնի շրջանակում կանցկացվեն մի շարք մրցույթներ, որոնք թույլ կտան ժյուրիին և հանդիսատեսին ավելի մոտ ծանոթանալ մասնակիցների հետ` հետագայում հաղթողին որոշելու համար։
Հիմնադրամի PR–ի պատասխանատու Մարիամ Սաֆարյանն ասաց, որ գեղեցկության այսպիսի մրցույթների անցկացումը կարևոր է նաև զբոսաշրջության զարգացման տեսանկյունից։ «Դա թույլ կտա ներկայացնել Հայաստանը միջազգային հարթակներում և զբոսաշրջիկներ ներգրավել մեր երկրում»,– ընդգծեց նա։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
