ԵՐԵՎԱՆ, 9 հոկտեմբերի. /Նովոստի-Արմենիա/. Հանրաճանաչ հայ մոդել Աննա Դեմիրխանյանը դարձել է առաջին փոխ-միսիս Եվրոպա 2016:
«Բերում եմ ձեզ տիտղոս և թագ», - գրել է նա Facebook-ի իր էջում:
«Միսիս Եվրոպա 2016» միջազգային մրցույթին, որն անցկացվել է հոկտեմբերի 1-5-ը Սոչիում, նա ներկայացնում էր ոչ միայն Հաայաստանը, այլև՝ ողջ Կովկասը:
«Միսիս Եվրոպա» մրցույթն անցկացվում է արդեն տասը տարուց ավելի: Սովորաբար մրցույթին մասնակցում են աշխարհի տարբեր երկրների 50-ից ոչ պակաս ներկայացուցիչ: Մեկ շաբաթվա ընթացքում աղջիկներին ուշադիր հետևում են ժյուրիի անդամները, մասնակիցները այցելում են տարատեսակ սոցիալական հաստատություններ, ցուցադրում են իրենց տաղանդները, ինչպես նաև արտաքին տվյալները:
Մրցույթը բաղկացած է հետևյալ փուլերից՝ ինքնաներկայացում անգլերեն լեզվով, տաղանդների մրցույթ, ազգային տարազ և երեկոյան զգեստով դեֆիլե: Մասնակցության պարտադիր պայմանն այն է, որ մասնակիցները պետք է ամուսնացած լինեն և երեխաներ ունենան: Այս տարի առաջին անգամ մրցույթն անցկացվում էր Ռուսաստանում: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
