Հայ ակրոբատները ռոքնռոլ կպարեն
01.03.2017,
18:25
ՀՀ սպորտի և երիտասարդության հարցերի նախարարությունում քննարկել են Հայաստանում ակրոբատիկական ռոքնռոլի զարգացման հնարավորությունները:
![Հայ ակրոբատները ռոքնռոլ կպարեն Հայ ակրոբատները ռոքնռոլ կպարեն](/upload/iblock/969/b2g2lrtma8sldtx0kg3bsfxqn6ouvab0.jpg)
ԵՐԵՎԱՆ, 1 մարտի. /Նովոստի–Արմենիա/. Հայաստանի սպորտի և երիտասարդության հարցերի նախարարությունում քննարկել են Հայաստանում ակրոբատիկական ռոքնռոլի զարգացման հնարավորությունները, հայտնում է գերատեսչության մամուլի ծառայությունը։
Նախարարի տեղակալ Գաբրիել Ղազարյանը խոսել է Հայաստանում արդեն իսկ գործող մարզաձևերի շարքում այս նոր մարզաձևի ընդգրկման հնարավորությունների մասին:
«Այսօրվա քննարկմանը մասնակցում են ակրոբատիկական ռոքնռոլին մոտ մարզաձևերի ներկայացուցիչներ: Հուսով եմ՝ համատեղ աշխատանքով կկարողանանք մեր երկրում նույնպես զարգացնել այս գեղեցիկ մարզաձևը»,- ասել է նա:
Փոխնախարարը ներկաներին խնդրել է երկշաբաթյա ժամկետում ներկայացնել իրենց դիտարկումները և առաջարկությունները՝ հաջորդ քննարկումն ավելի առարկայական դարձնելու և Հայաստանի Հանրապետությունում ակրոբատիկական ռոքնռոլ մարզաձևի ֆեդերացիա հիմնելու վերաբերյալ:
Միաժամանակ Հայաստանում ակրոբատիկական ռոքնռոլի ֆեդերացիային աջակցություն ցուցաբերելու պատրաստակամություն է հայտնել Ռուսաստանի Դաշնության նույնանուն ֆեդերացիան։ Այն, բացի ֆինանսական աջակցությունից, կօգնի Հայաստանում այս մարզաձևի մարզիչներ պատրաստելուն՝ կազմակերպելով վերապատրաստման դասընթացներ և սեմինարներ:
Քննարկմանը մասնակցել են սպորտային պարերի, ակրոբատիկայի, գեղարվեստական մարմնամարզության և գեղասահքի ներկայացուցիչները։ -0-
Նախարարի տեղակալ Գաբրիել Ղազարյանը խոսել է Հայաստանում արդեն իսկ գործող մարզաձևերի շարքում այս նոր մարզաձևի ընդգրկման հնարավորությունների մասին:
«Այսօրվա քննարկմանը մասնակցում են ակրոբատիկական ռոքնռոլին մոտ մարզաձևերի ներկայացուցիչներ: Հուսով եմ՝ համատեղ աշխատանքով կկարողանանք մեր երկրում նույնպես զարգացնել այս գեղեցիկ մարզաձևը»,- ասել է նա:
Փոխնախարարը ներկաներին խնդրել է երկշաբաթյա ժամկետում ներկայացնել իրենց դիտարկումները և առաջարկությունները՝ հաջորդ քննարկումն ավելի առարկայական դարձնելու և Հայաստանի Հանրապետությունում ակրոբատիկական ռոքնռոլ մարզաձևի ֆեդերացիա հիմնելու վերաբերյալ:
Միաժամանակ Հայաստանում ակրոբատիկական ռոքնռոլի ֆեդերացիային աջակցություն ցուցաբերելու պատրաստակամություն է հայտնել Ռուսաստանի Դաշնության նույնանուն ֆեդերացիան։ Այն, բացի ֆինանսական աջակցությունից, կօգնի Հայաստանում այս մարզաձևի մարզիչներ պատրաստելուն՝ կազմակերպելով վերապատրաստման դասընթացներ և սեմինարներ:
Քննարկմանը մասնակցել են սպորտային պարերի, ակրոբատիկայի, գեղարվեստական մարմնամարզության և գեղասահքի ներկայացուցիչները։ -0-