Հասմիկ Պողոսյանը նշանակվել է Հայաստանի նախագահի խորհրդական

ԵՐԵՎԱՆ, 24 փետրվարի. /Նովոստի-Արմենիա/. Հայաստանի մշակույթի նախկին նախարար Հասմիկ Պողոսյանը նշանակվել է նախագահի խորհրդական: Այս մասին հայտնում է նախագահի մամուլի ծառայությունը:

Համապատասխան հրամանագիրը Հայաստանի նախագահ Սերժ Սարգսյանը ստորագրել է փետրվարի 24-ին:

«Հիմք ընդունելով Հայաuտանի Հանրապետության Նախագահի 2007 թվականի oգոuտոuի 17-ի ՆՀ-193-Ն հրամանագրի 1-ին կետով հաuտատված՝ Հայաuտանի Հանրապետության Նախագահի աշխատակազմի կանոնադրության 16-րդ կետի 3-րդ ենթակետը՝ ո ր ո շ ու մ ե մ.

Հասմիկ ՊՈՂՈՍՅԱՆԻՆ նշանակել Հայաuտանի Հանրապետության Նախագահի խորհրդական»- ասվում է հրամանագրի մեջ:

Հասմիկ Պողոսյանը 1977 - 1982 թվականներին սովորել է ԵՊՀի կենսաբանության բաժնում, 1982 - 1985 թվականներին՝ եղել է ԵՊՀ-ի ասպիրանտ, 1985 - 1993 թվականներին՝ Երևանի N 182 դպրոցի ուսուցչուհի, 1986 – 2006 թվականներին՝ օտարերկրյա երկրների հետ կապերի հանձնաժողովի անդամ։

2006 թվականի մայիսին նշանակվել է Հայաստանի մշակույթի և երիտասարդության հարցերի նախարար, 2007 թվականի հունիսի 8-ին ՀՀ Նախագահի հրամանագրով նշանակվել է ՀՀ մշակույթի նախարար։ 2008 թվականի ապրիլի 17-ին ՀՀ Նախագահի հրամանագրով վերանշանակվել է ՀՀ մշակույթի նախարարի պաշտոնում: Վերջին անգամ ՀՀ մշակույթի նախարարի պաշտոնում վերանշանակվել է 2014 թվականի ապրիլի 22-ին: -0-