ԵՐԵՎԱՆ, 11 դեկտեմբերի. /Նովոստի-Արմենիա/. Beeline-ն արժանացավ ԱՊՀ երկրների միջպետական մրցանակի և պարգևատրվեց ՀՀ Հեռահաղորդակցության ոլորտում զգալի ներդրում ունենալու համար, հայտնեցին ընկերության մամուլի ծառայությունից:
«Մրցանակը տրվել է 2015 թ-ին ապրանքների և ծառայության որակի ոլորտում ձեռքբերումների և միջազգային ստանդարտներին համապատասխան ծառայություններ մատուցելու համար ԱՊՀ անդամ երկրների ստանդարտացման, չափագիտության և սերտիֆիկացիայի Միջպետական խորհրդի 48-րդ նիստի շրջանակում»,-ասված է հաղորդագրությունում:
ԱՊՀ անդամ երկրների ստանդարտացման, չափագիտության և սերտիֆիկացիայի Միջպետական խորհրդի 48-րդ նիստը կազմակերպվել է հավատարմագրման ոլորտում սկզբունքների և մոտեցումների միջպետական ուղիների մշակման նպատակով։ Երկօրյա նիստի քննարկումներին մասնակցում են ավելի քան 150 ներկայացուցիչներ ԱՊՀ տասնմեկ երկրներից և միջազգային կազմակերպություններից։
«Ցանկանում եմ իմ խորին շնորհակալությունը հայտնել նիստի մասնակիցներին և կազմակերպիչներին Beeline-ին բարձր գնահատական տալու համար: Այս պատվոգիրն առանձնահատուկ նշանակություն ունի մեզ համար. այն ևս մեկ անգամ ապացուցում է, որ Beeline-ի ծառայություններն առավելագույնս համապատասխանում են միջազգային պահանջներին թե´ ծառայությունների, և թե´ սպասարկման որակի առումով: Այն ևս մեկ խթան է մեզ համար` գալիք տարում ևս շարունակելու կատարելագործվելու և մեր բաժանորդների համար ավելի պարզ, հարմար ու մատչելի առաջարկներով հանդես գալու գործում», - նշեց Հայաստանում Beeline-ի Գլխավոր տնօրեն Անդրեյ Պյատախինը:
Նշենք, որ ԱՊՀ անդամ երկրների ստանդարտացման, չափագիտության և սերտիֆիկացիայի Միջպետական խորհուրդը հիմնվել է 1992թ.-ին` որպես ԱՊՀ անդամ երկրների ոլորտային համագործակցության մարմին` ստանդարտացման, չափագիտության և սերտիֆիկացման ոլորտում համաձայնեցված քաղաքականություն վարելու նպատակով:
Հիշեցնենք, որ այս տարվա հոկտեմբերին Beeline-ն արժանացավ «Լավագույն գին առաջարկող կապի օպերատոր» կոչմանը «Տարվա լավագույն հանրային ծառայող և տարվա լավագույն ապրանքանիշ» հինգերորդ ամենամյա ազգային մրցանակաբաշխության շրջանակներում: 2014 թ. ընկերությունն արժանացել է «Հեռահաղորդակցության առաջատար օպերատոր» կոչմանը: Իսկ ամենամյա դիվանագիտական և բիզնես համաժողովին Beeline-ը ճանաչվեց լավագույնը երկու անվանակարգերում: Ընկերությունը ճանաչվեց «Կապի ոլորտի առաջատար» և արժանացավ լավագույնի կոչմանն «Օտարերկրյա ներդրող» անվանակարգում։
«ԱրմենՏել» ՓԲԸ–ն (ապրանքանիշը`Beeline) «ՎիմպելԿոմ» ընկերության դուստր ձեռնարկությունն է, 2007 թ.–ի ապրիլից «ԱրմենՏելի» բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ֆիքսված և բջջային կապի ծառայություններ:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
