Ադրբեջանի կողմից շրջափակման պատճառով Երևանում մնացած արցախցիներն Ամանորը կդիմավորեն Եռաբլուրում (ՎԻԴԵՈ)

ԵՐԵՎԱՆ, 31 դեկտեմբերի./Նովոստի-Արմենիա/. Արցախի շրջափակման հետևանքով Երևանում մնացած մի խումբ անձինք Ամանորի նախաշեմին նախաձեռնում են երթ դեպի Եռաբլուր, որտեղ էլ կդիմավորենք Նոր տարին: Այս մասին հայտնել է Արցախի պետնախարարի խորհրդական Արտակ Բեգլարյանը:

«Դեկտեմբերի 31-ին, ժամը 20:00-ին Երևանի քաղաքապետարանից լուռ մոմավառությամբ շարժվելու ենք դեպի Եռաբլուր: Սա ևս մեկ առիթ է համախմբվելու, Արցախի կողքին կանգնելու և Հայրենիքի համար նահատակված անձանց հիշատակը վառ պահելու համար: Միացե՛ք` լռությամբ դիմավորենք Ամանորը Հայրենիքի համար ամենաթանկը զոհած մարդկանց կողքին», - գրել է Բեգլարյանը Facebook-յան իր էջում:-0-