Երևանի թիվ 122 դպրոցի տնօրենը ուսուցչուհուց կաշառք է պահանջել, ձայնագրությունը հայտնվել է համացանցում․ միջադեպին արձագանքել է ԿԳՄՍՆ-ն (Ձայնագրություն)
20:09
03 Սեպտեմբերի 2021
ԵՐԵՎԱՆ, 3 սեպտեմբերի․/Նովոստի-Արմենիա/․ Փաստերի ստուգման հարթակի YouTube-յան ալիքում նախօրեին տարածվել են ձայնագրություններ՝ Երևանի Ալ․ Բլոկի անվան թիվ 122 հիմնական դպրոցի տնօրեն Մարիբե Մալախյանի և ուսուցիչներից մեկի մասնակցությամբ։
Ձայնագրությունից պարզ է դառնում, որ դպրոցի տնօրենն ուսուցչուհուց պարբերական կաշառք է պահանջել, իսկ հիմա ցանկանում է աշխատանքից հեռացնել։
Միջադեպին նախ արձագանքել է Երևանի քաղաքապետարանի մամուլի խոսնալ Հակոբ Կարապետյանը։
«Նկատի ունենալով, որ հրապարակված նյութն իր բովանդակությամբ հանցագործության մասին տեղեկատվություն է պարունակում, Երևանի քաղաքապետի հանձնարարությամբ հիշյալ նյութը և առկա ձայնագրություններն ուղարկվել են ՀՀ ոստիկանություն՝ հանգամանքների իսկությունը ստուգելու և համապատասխան ընթացք տալու համար», - նշել է Կարապետյանը։
Ավելի ուշ միջադեպին արձագանքել են ՀՀ կրթության, գիտության, մշակույթի և սպորտի նախարարությունից։
Գերատեսչությունից հայտնել են, որ դադարեցվել է թիվ 122 հիմնական դպրոցի տնօրեն Մարինե Մալախյանի ուսհաստատության ղեկավարման իրավունքի հավաստագրի գործողությունը։
«Հրամանի համար հիմք են հանդիսացել համացանցում տեղադրված ձայնագրությունը և ՀՀ կրթության, գիտության, մշակույթի և սպորտի նախարարության հանրակրթության վարչության պետի զեկուցագիրը», - նշված է գերատեսչության հաղորդագրության մեջ:-0-
Հայաստանում ՄԱԿ-ի գրասենյակի ներկայացուցիչներն այցելել են Լաչինի միջանցքի սկզբնամաս՝ Կոռնիձորի սահմանային հատված, որտեղ արդեն 9-րդ օրն է՝ կանգնած է Հայաստանից Լեռնային Ղարաբաղ հումանիտար օգնություն տեղափոխել փորձող բեռնատարների շարասյունը
