Սերժ Սարգսյանի եղբորորդին ընդունել է իրեն առաջադրված մեղադրանքները

ԵՐԵՎԱՆ, 1 դեկտեմբերի./Նովոստի–Արմենիա/. ՀՀ նախկին նախագահ Սերժ Սարգսյանի եղբորորդին` Նարեկ Սարգսյանն, ամբողջությամբ ընդունել է իրեն առաջադրված մեղադրանքները։ Այս մասին նա հայտնել է դատականի նիստի ժամանակ։

Պաշտպանակ կողմը միջնորդություն ներկայացրեց արագացված դատական քննության մասին` հաշվի առնելով, որ Սարգսյանն ընդունել է մեղադրանքները։

Միջնորդության քննությունն ու հաջորդ դատական նիստը նշանակվեց դեկտեմբերի 24–ին ժամը 14։00–ին։

2018 թվականի հունիսի 26-ին ՀՀ Ազգային անվտանգության ծառայությունում քրեական գործ էր հարուցվել՝ քրեական օրենսգրքի ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով:

Հուլիսի 6-ին Նարեկ Սարգսյանի նկատմամբ հայտարարվել էր հետախուզում, հուլիսի 24-ին՝ միջազգային հետախուզում:


Ոստիկանության տարբեր ստորաբաժանումներ, ինչպես նաև ՀՀ-ում Ինտերպոլի ազգային կենտրոնական բյուրոն, համագործակցելով եվրոպական մի շարք երկրների իրավապահ կառույցների ու Ինտերպոլի հետ, ծավալուն օպերատիվ-հետախուզական միջոցառումների շնորհիվ, դեկտեմբերի 6-ին Պրահայում հայտնաբերել էին ՀՀ իրավապահ մարմինների կողմից միջազգային մակարդակով հետախուզման մեջ գտնվող Նարեկ Ալեքսանդրի Սարգսյանին:

Նա ձերբակալվել էր Պրահայում Ինտերպոլի աշխատակիցների և Չեխիայի ոստիկանության կողմից Գվատեմալայի կեղծ անձնագրով` Ֆրանկլին Գոնսալեսի անունով։ Հունիսի սկզբին հայտնի դարձավ, որ Պրահայի դատարանը թույլատրել է Նարեկ Սարգսյանին տեղափոխել Հայաստան։ 2019թ.–ի դեկտեմբերի 21–ին Սարգսյանը, ոստիկանության ուղեկցությամբ, տեղափոխվեց Հայաստան։

2019թ.–ի դեկտեմբերի 24–ին առաջին ատյանի դատարանի որոշմամբ` Սարգսյանը կալանավորվեց, իսկ 2020թ.–ի նոյեմբերի 13–ին ազատ արձակվեց 25 մլն դրամ գրավի դիմաց։ Քրեական գործով դատավարությունը շարունակվում է։

Ծանուցում. հանցագործության համար մեղադրվողը համարվում է անմեղ, քանի դեռ նրա մեղքն ապացուցված չէ օրենքով սահմանված կարգով` դատարանի` օրինական ուժի մեջ մտած դատավճռով:–0–