ԵՐԵՎԱՆ, 5 ապրիլի./Նովոստի-Արմենիա/. ՀՀ նախկին նախագահ Սերժ Սարգսյանը հայտարարել է, որ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի՝ վաղը նախատեսված հանդիպմանը որևէ փաստաթուղթ չի ստորագրվելու:
Загружается новость ... "Лево"
Նշենք, որ ապրիլի 6-ին Բրյուսելում նախատեսված է Փաշինյանի, Ալիևի և Եվրոպական խորհրդի նախագահ Շառլ Միշելի հանդիպումը: Ինչպես ավելի վաղ հայտարարել է ԵՄ ներկայացուցիչը, Միշելը երկու երկրների առաջնորդների հետ կքննարկի իրադարձությունների զարգացումը վերջին բանակցություններից հետո, ինչպես նաև «անվտանգ, կայուն և բարգավաճ Հարավային Կովկաս կառուցելուն ուղղված հետագա ուղիները՝ հօգուտ տարածաշրջանում ապրող բոլոր մարդկանց»: Փաշինյանը հույս ունի, որ այդ հանդիպման ընթացքում Ադրբեջանի նախագահի հետ կհամաձայնեցնի բոլոր հարցերը, որոնք կապված են Երևանի և Բաքվի միջև խաղաղության պայմանագրի բանակցությունների մեկնարկի հետ:
«Օդում կախված են նման մտավախություններ, բայց չեմ կարծում, որ վաղը կստորագրվի որևէ փաստաթուղթ», - ասաց Սարգսյանը լրագրողներին Երևանում ընդդիմության կազմակերպած հանրահավաքի ժամանակ:
Անդրադառնալով ղարաբաղյան խնդրին՝ Սարգսյանը նշեց, որ Արցախի շուրջ ստեղծված իրավիճակը մեծ մտահոգություն է առաջացնում, և եթե այդ իրավիճակն այդպիսին չլիներ, հազարավոր մարդիկ չէին հավաքվի այսօր հանրահավաքին:
«Այդպիսի կոնֆլիկտները հեշտ չէ նույնիսկ 30-40-50 տարում լուծելը։ Որքան կարողացել ենք, այնքան այդ լուծումը մոտեցրել ենք, և մեր մեղավորությունը չէ, որ իշխանության եկան մարդիկ, ովքեր ասացին, որն իրենց կետից են սկսում, ասացին՝ ձեր գործը չէ, թե մենք ինչ ենք բանակցում, ինչ ուզում ենք, այն էլ բանակցում ենք։ Հասանք այս վիճակին», - նշեց Սարգսյանը:-0-
