Ռուսաստանի հայերը դեսպանատան մոտ ակցիա են կազմակերպել Փաշինյանի մոսկովյան այցի դեմ (ՎԻԴԵՈ)

ԵՐԵՎԱՆ, 11 հունվարի./Նովոստի–Արմենիա/. Մոսկվայում ՀՀ դեսպանատան շենքի մոտ կազմակերպվել է ակցիա ՀՀ վարչապետ Նիկոլ Փաշինյանի մոսկովյան այցի դեմ։

Այցը կազմակերպվել է Կրեմլի հրավերով, անցկացվելու են եռակողմ բանակցություններ` Փաշինյանի, ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի մասնակցությամբ։

Դեսպանատան շենքի դարպասներին փակցված են պաստառներ «Ժողովուրդը մենք ենք, և մենք դեմ ենք», «Նիկոլը սուտասան է, Նիկոլը թուրք է», «Stop Nikol» նշանաբաններով։

Ռուսաստանի հայերը մտավախություն ունեն, որ այսօր Մոսկվայում կստորագրվեն Հայաստանի և Արցախի ճակատագրին վերաբերող համաձայնագրեր, որոնք անուղղելի վնաս կարող են հասցնել հայկական պետականությանն ու ժողովրդին։–0–