ԵՐԵՎԱՆ, 4 մայիսի./Նովոստի–Արմենիա/. «Քաղաքացիական պայմանագիր» կուսակցությունը, որը գլխավորում է ՀՀ վարչապետի պաշտոնակատար Նիկոլ Փաշինյանը, առանձին կմասնակցի արտահերթ խորհրդարանական ընտրություններին, հայտարարել է «Իմ քայլը» խմբակցության ղեկավար Լիլիթ Մակունցը։
Загружается новость ... "Лево"
««Քաղաքացիական պայմանագիր» կուսակցության ղեկավարությունն ընդունել է վերջնական որոշում. մենք կմասնակցենք ընտրություններին` որպես առանձին կուսակցություն։ Դաշինքի չենք մասնակցի», – ասել է նա Հանրային հեռուստաընկերության եթերում։
Նա տեղեկացրել է, որ խմբակցությունը կզբաղվի նախընտրական ցուցակների հարցով մայիսի 10–ից հետո։
Խոսելով հետհեղափոխական շրջանի և այն մասին, թե արդյոք խմբակցությունը, լինելով իշխանական, հասցրե՞լ է իրականացնել բոլոր ծրագրերը` Մակունցը հայտարարել է, որ 2018թ.–ի մայիսից մինչև 2019թ.–ի հունվար Հայաստանում երկիշխանություն էր և շարունակվող կիսահեղափոխական իրավիճակ, իսկ լիարժեք իշխանությունը ձևավորվել է 2019թ.–ի հունվարի 14–ին, երբ տեղի ունեցան արտահերթ խորհրդարանական ընտրություններ և ձևավորվեց 7–րդ գումարման Ազգային ժողովը։
«2020թ.–ի մարտին սկսվեց ճգնաժամային տարի, եղավ կորոնավիրուսի համավարակը, հուլիսին` տավուշյան իրադարձությունները և սեպտեմբերին` Արցախյան պատերազմը։ Եթե հաշվենք, մենք ունեցել ենք ընդամենը 1 տարի և 2 ամիս ժամանակ։ Ինչ վերաբերում է նրան, թե արդյոք գո՞հ ենք մենք և հասցրե՞լ ենք անել ամենն, ինչ ծրագրել էինք, ոչ, շատ բան չենք հասցրել», – ասել է նա։–0–
