ԿԽՄԿ ներկայացուցիչներն այցելել են Ադրբեջանում պահվող հայերին

ԵՐԵՎԱՆ, 30 հունվարի./Նովոստի–Արմենիա/. Կարմիր խաչի միջազգային կոմիտեի (ԿԽՄԿ) ներկայացուցիչները հունվարին այցելել են Ադրբեջանում պահվող հայերին, «Նովոստի-Արմենիա» գործակալությանը հայտնեց ԿԽՄԿ հայաստանյան պատվիրակության հաղորդակցման ծրագրերի ղեկավար Զառա Ամատունին։

Հայաստանի արտգործնախարարությունը նշում է, որ Ադրբեջանում պահվում են 33 հայ ռազմագերի, որոնց Բաքուն հրաժարվում է հանձնել Երևանին։ Միաժամանակ իրավապաշտպանները նշ ում են 80 բանտարկյալների առկայության մասին։

Ինչպես ավելի վաղ Ամատունին հայտնել էր «Նովոստի-Արմենիա» YouTube-ի ալիքի «Հատուկ կարծիք» հաղորդաշարում, ԿԽՄԿ-ի ներկայացուցիչներն Ադրբեջանում ամիսը մեկ այցելում են հայ գերիներին։ Նրա խոսքով, այս այցելությունների ընթացքում հնարավոր է կապ հաստատել ծնողների և հարազատների հետ ինչպես ԿԽՄԿ-ի միջոցով նամակների, այնպես էլ հեռախոսազանգերի կամ տեսաուղերձների միջոցով, որոնք տեսագրվում են այցելության ընթացքում, այնուհետև փոխանցվում ընտանիքներին։-0-