Հայաստանում սպասվում է ջերմաստիճանի նվազում մինչև -11 աստիճան

ԵՐԵՎԱՆ, 21 նոյեմբերի./Նովոստի–Արմենիա/. Հայպետհիդրոմետը ներկայացնում է առաջիկա օրերի եղանակի կանխատեսումը։

Այսպես, նոյեմբերի 22-ի գիշերն առանձին շրջաններում, 21-ին, 23-ի գիշերը շրջանների զգալի մասում սպասվում են տեղումներ: Նոյեմբերի 22-ի և 23-ի ցերեկը, 24-25-ը սպասվում է առանց տեղումների եղանակ։

Քամին՝ հարավ-արևմտյան՝ 3-8 մ/վ:

Օդի ջերմաստիճանը նոյեմբերի 21-ին Լոռիում, Տավուշում, Սյունիքում և Արցախում աստիճանաբար կբարձրանա 4-6 աստիճանով։
Մայրաքաղաք Երևանում նոյեմբերի 22-ին, 23-ի ցերեկը, 24-25-ը սպասվում է առանց տեղումների եղանակ, 21-ին, 23-ի գիշերը սպասվում է անձրև։ Օդի ջերմաստիճանն առաջիկա օրերին ցերեկային ժամերին կանխատեսվում է +8...+12 աստիճանի սահմանում։ Նոյեմբերի 24–ի և 25–ի գիշերը կանխատեսվում է 0...-2 աստիճան։

Հանրապետությունում ամենացածր ջերմաստիճանը կանխատեսվում է նոյեմբերի 24–ի և 25–ի գիշերը Շիրակում և Գեղարքունիքում, ինչպես նաև Կոտայքի, Արագածոտնի և Վայոց Ձորի լեռներում, որտեղ կանխատեսվում է -6...-11 աստիճան։–0–