Հայաստանում սպասվում է ջերմաստիճանի բարձրացում` ձյան տեղումների ֆոնին

ԵՐԵՎԱՆ, 16 փետրվարի./Նովոստի–Արմենիա/. Հայպետհիդրոմետը ներկայացնում է առաջիկա օրերի կանխատեսումը։

Այսպես, փետրվարի 16-ի ցերեկը, 18-21-ը սպասվում է առանց տեղումների եղանակ: Փետրվարի 17-ի գիշերը Վայոց Ձորում, Սյունիքում, Արցախում, փետրվարի 17-ի ցերեկը հանրապետության առանձին շրջաններում սպասվում է ձյուն:

Քամին՝ արևմտյան՝ 3-8 մ/վ: Օդի ջերմաստիճանը փետրվարի 16-ի ցերեկը և 17-ի գիշերը կբարձրանա 5-7 աստիճանով:

Մայրաքաղաք Երևանում փետրվարի 16-ի ցերեկը, 17-ի գիշերը, 18-21-ը սպասվում է առանց տեղումների եղանակ։ Փետրվարի 17-ի ցերեկը սպասվում է թույլ ձյուն: Այսօր` փետրվարի 16–ին, ցերեկը սպասվում է +3...+5, գիշերը` -1...-3, վաղը` փետրվարի 17–ին, ցերեկային ժամերին կանխատեսվում է 0...+2, գիշերը` -1...-3։–0–