«Նախատեսվում է իրականացնել 100 կմ/ժամ հաշվարկային արագությամբ, շուրջ 60 կմ ընդհանուր երկարությամբ նոր ճանապարհահատված: Կլինեն 4.7 կմ ընդհանուր երկարությամբ մի քանի կամուրջներ ու 12.5 կմ ընդհանուր երկարությամբ թունելներ` ելնելով մեր երկրի լանդշաֆտի առանձնահատկություններից։ Նշեմ, որ ամենաերկարը Բարգուշատի թունելն է, որի երկարությունը կկազմի շուրջ 8.6 կմ», – ասաց նա։

Տերտերյանը տեղեկացրեց, որ շինարարության մասով ծրագրի արժեքը կազմում է 474,3մլրդ դրամ, ծրագրի ընդհանուր արժեքը 487 մլրդ դրամ է։

Փոխնախարարը նշեց, որ ծրագիրն իրականացվելու է միջազգային կառույցների հետ համագործակցությամբ, նախատեսվում է, որ մրցույթների անցկացման, ֆինանսական ռեսուրսների ներգրավման համար անհրաժեշտություն կառաջանա սինքրոնացնել ազգային օրենսդրությունն ու իրավական կարգավորումները գործընկերների պահանջների հետ։

ՀՀ վարչապետ Նիկոլ Փաշինյանն իր հերթին հայտարարեց, որ այս շինարարությունը կարելի է համարել ամենամասշտաբային շինարարական նախագիծը երրորդ հանրապետության պատմության մեջ։

«Դա շատ լուրջ մարտահրավեր է, որը պետք է կատարել պատվով։ Դա նոր որակ կհաղորդի մեր տնտեսությանը, հաղորդակցություններին, Իրանի հետ մեր տնտեսական կապերի ամրապնդմանը։ Դա որոշակի հետաքրքրություն կառաջացնի Պարսից ծոցը Սև ծովին կապելու նախագծերի շրջանակում», – ասաց նա։–0–