ԵՐԵՎԱՆ, 13 հունվարի./Նովոստի–Արմենիա/. Հայաստանում վերջին օրերին կրկին նկատվում է կորոնավիրուսային հիվանդության դեպքերի կտրուկ աճ, ասաց ՀՀ ԱՆ Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը:
«Եթե մի քանի օր առաջ Հայաստանը, ըստ Եվրամիության չափանիշների, գտնվում էր կանաչ գոտում, ապա այս 2-3 օրվա ընթացքում հայտնվել է նարնջագույն գոտում, ինչը խոսում է վարակի տարածման տեմպերի բարձրացման մասին», – ասաց Աբովյանն այսօր ասուլիսի ժամանակ:
Նրա խոսքով՝ առաջին անգամ է, որ արձանագրվում է վարակի վերարտադրողական այսպիսի բարձր ցուցանիշ, ինչը խոսում է վարակի տարածման տեմպերի մասին, որն արդեն 2.3 է կազմում։
Աբովյանն ընդգծեց, որ գրանցվում է հիվանդացության մակարդակի բարձրացում բոլոր մանկապատանեկան տարիքային խմբերում:
«Այս հիվանդությունը համաճարակաբանական օրինաչափությունների չի ենթարկվում, և չունի սեզոնայնություն: Փոխարենը 3-4 ամիսը մեկ դիտարկվում է վարակի ալիքների վերելք և անկում: Իսկ թե այդ ալիքների ժամանակ գրանցված դեպքերի թիվը որքան կլինի, դա արդեն կախված է տվյալ երկրում ձեռնարկվող միջոցառումներից»,-ասաց Աբովյանը:
Մասնագետի խոսքով՝ եթե չլինեին սահմանափակումներ, ապա, օրինակ, վարակի չորրորդ ալիքի ժամանակ կարող էր գրանցվել օրական 2.500-3.000 դեպք:
Նա կարևորեց կանխարգելիչ միջոցառումների իրականացումը, համաճարակային կանոնների պահպանումը:
«Մեզ
մոտ
առկա
է
նոր
շտամի՝
օմիկրոնի
դեպք:
Երկու
բերովի
դեպք
ունենք,
բայց
չի
բացառվում,
որ
արդեն
իսկ
մեր
երկրում
այն
շրջանառվում
է
և այս պարագայում ևս միակ
կանխարգելիչ
միջոցառումը
պատվաստումն
է»,-
ասաց
մասնագետը:–0–
