ԵՐԵՎԱՆ, 29 նոյեմբերի./Նովոստի–Արմենիա/. ՀՀ ՍԴ նախկին անդամ Կիմ Բալայանը դադարեցրել է հացադուլը, սակայն կշարունակի պայքարը։ ԶԼՄ–ներում հրապարակված հայտարարության մեջ նա նշել է պայքարի հետագա ուղղությունը։
Նախօրեին նա նշել էր, որ մտադիր չէ դադարեցնել հացադուլը և պահանջում է իրավապահ մարմիններից քրեական գործ հարուցել սահմանադրական կարգի տապալման փաստով։
«Դադարեցնում եմ հացադուլս, բայց պայքարս շարունակելու եմ` հանուն Արցախի հանրապետության, նրա տարածքային ամբողջականության, մեր երեսնամյա մաքառումների, հաջողությունների և արդյունքների պաշտպանության», – հայտարարել է նա։
Նա վստահություն է հայտնել, որ կհաջողվի հասնել արդյունքի և «Հայաստանի Հանրապետությունում հաղթանակելու է օրենքը և ՀՀ գործող վարչապետ Նիկոլ Փաշինյանը կրելու է ամբողջական պատասխանատվություն, երկրում Սհմանադրական կարգը տապալելու, մեր հաղթանակների արդյունքները փոշիացնելու, մեր հազարավոր երիտասարդների նահատակության, գերեվարման և այս վիճակի համար»։
«Կրկին անգամ կոչ եմ անում Նիկոլ Փաշինյանին ժամ առաջ հրաժարական տալ, որովհետև իր պաշտոնավարման ամեն րոպեն դժվարեցնում է հետագա բանակցությունների գործընթացը և հանգեցնում է դավաճանական գործունեության», – ասել է Բալայանը։
Загружается новость ... "Лево"
Նա նշել է, որ նոյեմբերի 24-ին, Հանրապետության հրապարկում, ՀՀ Կառաարության շենքի դիմաց միացա վարչապետ Նիկոլ Փաշինյանի անհապաղ հրաժարականը պահանջող հացադուլավորների հանրային գործողությանը, պահանջելով ՀՀ Գլխավոր դատախազությունից, հարուցել քրեական գործ, վարչապետ Նիկոլ Փաշինյանի կողմից ՀՀ Սահմանադրական կարը տապալելու փաստով։
Նա տեղեկացրել է, որ անցնող 6 օրերին հազարավոր քաղաքացիներ, հասարակական, հանրային, քաղաքական գործիչներ իրենց այցելով, հանդիպումներով, հրապարակային հայտարարություններով իրենց զորակցությունն էին հայտնում հիշյալ պահանջներին, միաժամանակ հորդորելով, հրաժարվել հացադուլը շարունակելու ծայրահեղ միջոցից, առաջարկելով այդ պայքարը շարունակել այլ եղանակներով։
Բալայանը հաստատել է, որ.
- Վարչապետ Նիկոլ Փաշինյանը տապալել երկրի կառավարումը, որի հետևանքը ներկայիս ողբերգական պարտությունն է
-
Վարչապետ Նիկոլ Փաշինյանը տապալել է ՀՀ Սահմանադրական կարգը իր հակասահմանադրական գործողություններով, որի վերջին քայլը ՀՀ Վարչապետի, ՌԴ և ԱՀ նախագահների համատեղ հայտարարության ստորագրումն էր, առանց Հայաստանի հանրապետության համապատասխան ատյանների, ՀՀ ԱԺ և ՍԴ կարծիքը լսելու։
-
Այս ամենին պետք է տրվի իրավական գնահատական, որի համար կենսական անհարժեշտություն է ձևավորել փաստահավաք խումբ, բոլոր փաստական տվյալները հավաքագրելու, ամբողջակցնելու ու համապարփակ եզրակացություն պատրաստելու համար։
-
Հարկ է դիմել ՀՀ Սահմանադրական դատարան, չեղարկելու երեք երկրների ներկայացուցիչների համատեղ հայտարարությունը, բացառությամբ զինադադար հայտարարելու կետի, քանի որ դրա գործարկումը հակասում է ՀՀ Սահմանադրությանը, օրենսդրական կատերին, երբ առանց վավերացումների ստոագրվում է միջազգային համաձայնագիր։
-
Հակառակ հայկական կողմից, Ռուսաստանի Դաշնությունը, Ադրբեջանը, անգամ այս հայտարարության կողմ չհանդիսացող Թուրքիան կազմակերպել են ներքին օրեսդրական վավերացումների ամբողջական գործընթաց։
-
Այս ամենի կազմակերպումը և Հայաստանի Հանրապետության Սահմանադրության, օրենքների համապատասխան քրեադատավարական գնահատական տալը պահանջում է երկարատև ու համապարփակ աշխատանք, որի կազմակերպման և կյանքի կոչելու համար պատրաստ եմ ներդնել ողջ մասնագիտական ներուժը, հանուն իր երեսունամյա պայքարի արդյունքների պաշտպանության։–0–
