ՀԷՑ–ն ու ՌԴ քաղաքացին 25մլն դոլարով ձեռք են բերել Ռոստելեկոմի հայկական «դուստր» ընկերությունը

ԵՐԵՎԱՆ, 19 հունվարի./Նովոստի–Արմենիա/. Հանրային ծառայությունները կարգավորող հանձնաժողովը չորեքշաբթի հավանություն է տվել GNC Alfa ՓԲԸ–ի բաժնետոմսերի վաճառքին, որը «Ռոստելեկոմի» դուստր ընկերությունն է։ Այս մասին հայտարարել է ՀԾԿՀ աշխատակազմի մասնագետ Արմեն Հունանյանը, հաղորդում է ARKA Telecom հեռահաղորդակցական պորտալը։

Գնորդներն են «Հայաստանի էլեկտրական ցանցեր» ՓԲԸ–ն (որը պատկանում է «Տաշիր» հոլդինգին) և ՌԴ քաղաքացի Արման Հունանյանը, որոնք ստեղծել են Molitro Holdings Limited նոր ընկերությունը, որն էլ ձեռք կբերի GNC Alfa ընկերության բաժնետոմսերի 100%–ը։

Ըստ գնահատականների, գործարքի գումարը կազմում է 25մլն դոլար։ Նախատեսված են ներդրումային և զարգացման ծրագրեր։ Դրանց մի մասը կուղղվի գործող ենթակառուցվածքի աջակցությանն ու վերազինմանը և կկազմի տարեկան մոտ 1,5–1,8մլրդ դրամ (կապիտալ ծախսերը)։ Ընդհանուր առմամբ առաջիկա հինգ տարում գնորդները պարտավորվել են ներդնել 2,5մլրդ դրամ ենթակառուցվածքի զարգացմանը, մասնավորապես, մարզերում։

Ավելի վաղ` 2020թ.–ին, հեռահաղորդակցության և ինտերնետ ծառայությունների առաջատարներից մեկը` VEON Ltd–ին վաճառեց իր հայկական «դուստր» ընկերութունը։–0–