Fly One Armenia–ն չվերթեր կգործարկի նոր ուղղություններով

ԵՐԵՎԱՆ, 9 սեպտեմբերի./Նովոստի–Արմենիա/. Fly One Armenia–ն կգործարկի չվերթեր նոր ուղղություններով։

Այս մասին հայտնեց ավիաընկերության վարչության նախագահ Արամ Անանյանը։

«Առաջիկայում կգործարկվեն նոր չվերթեր դեպի Եկատերինբուրգ և Միներալնիյե Վոդի։ Նաև շուտով կավելանա չվերթերի հաճախականությունը դեպի Մոսկվա», – ասաց Անանյանն ուրբաթ կայացած ասուլիսի ժամանակ։

Նա հայտարարեց, որ քննարկվում են նաև եվրոպական ուղղությունները` խոստանալով մանրամասներ ներկայացնել հաջորդ շաբաթ։–0–