Այսօր Հայաստանը ձեռք է բերում հիմնականում նոր սպառազինություն․ Փաշինյան
31.01.2025,
14:21
Այսօր Հայաստանը ձեռք է բերում հիմնականում նոր սպառազինություն, հայտարարեց ՀՀ վարչապետ Նիկոլ Փաշինյանն այսօր ասուլիսի ժամանակ
ԵՐԵՎԱՆ, 31 հունվարի․/Նովոստի–Արմենիա/․ Այսօր Հայաստանը ձեռք է բերում հիմնականում նոր սպառազինություն, հայտարարեց ՀՀ վարչապետ Նիկոլ Փաշինյանն այսօր ասուլիսի ժամանակ։
Նա նշեց, որ ավելի վաղ սպառազինության զգալի մասը Հայաստանը նվեր է ստացել։
«Երբեք չի եղել, որ մենք գործարանային արտադրության նվեր ստանանք։ Կամ եթե եղել է, ես ամբողջն աուդիտ չեմ արել, եղել է շատ քիչ դեպքերում», – ասաց Փաշինյանն ասուլիսի ժամանակ։
Նախկինում Փաշինյանը հայտարարել էր, որ երկրին ժամանակակից զենք չի վաճառվի, եթե նա շարունակի հավատարիմ մնալ Արարատի և Արագածի դիսկուրսին։ Նրա խոսքով, Հայաստանը չի կարողանա ունենալ մարտունակ բանակ, ինչպես նախկինում էր, նրան առաջարկվելու են միայն օգտագործված, հնացած զինատեսակներ, ինչպես եղել է նախկինում։
Պատճենել հղումը
