7–հարկանի շենքի երկարություն ունեցող հայկական տոլման ցնցեց «համեղ» փառատոնի այցելուներին (ԼՈւՍԱՆԿԱՐՆԵՐ)

22.05.2016, 00:56

Գրեթե 7–հարկանի շենքի երկարություն ունեցող տոլման դարձավ իսկական սենսացիա «Ուդուլի» տոլմայի 6–րդ ամենամյա փառատոնի ժամանակ, որն անցկացվեց մայիսի 21–ին «Մուսալեռ» հուշահամալիրի տարածքում։

7–հարկանի շենքի երկարություն ունեցող հայկական տոլման ցնցեց «համեղ» փառատոնի այցելուներին (ԼՈւՍԱՆԿԱՐՆԵՐ)

ԵՐԵՎԱՆ, 21 մայիսի. /Նովոստի–Արմենիա/. Գրեթե 7–հարկանի շենքի երկարություն ունեցող տոլման դարձավ իսկական սենսացիա «Ուդուլի» տոլմայի 6–րդ ամենամյա փառատոնի ժամանակ, որն անցկացվեց մայիսի 21–ին «Մուսալեռ» հուշահամալիրի տարածքում։

Հսկայական տոլմայի հեղինակները սահմանեցին համաշխարհային ռեկորդ` գերազանցելով նախորդ տարվա ձեռքբերումը (10 մետր)։

- рис.1

«Համեղ» փառատոնի այցելուները, սակայն, հաշված րոպեների ընթացքում կերան խոհարարական արվեստի այդ գլուխգործոցը։

Փառատոնի հյուրերն ու մասնակիցներն, ընդհանուր առմամբ, կարողացան համտեսել տոլմայի ավելի քան 70 տեսակ, որոնք պատրաստվել են հայկական ազգային բաղադրատոմսերով։

- рис.2

Ամենաժողովրդական փառատոնը

Ինչպես «Նովոստի–Արմենիա» գործակալությանն ասաց «Հայ խոհարարական ավանդույթների զարգացման և պահպանման» ՀԿ–ի նախագահ, միջոցառման կազմակերպիչ Սեդրակ Մամուլյանը, փառատոնի գլխավոր նպատակն է հանրաճանաչ դարձնել ազգային խոհանոցը։

«Մեր երկրորդ նպատակն է Հայաստանը դարձնել ավելի գրավիչ օտարերկրյա զբոսաշրջիկների համար», – նշեց Մամուլյանը։

- рис.3

Նա ավելացրեց, որ այս տարի փառատոնին մասնակցում է 30 թիմ, ընդ որում ցանկացողների թիվն ավելի շատ էր։ «Ակտիվորեն մասնակցում են շրջանի գյուղերի բնակիչներն, ինչն արդեն մեծ արդյունք է», – ասաց Մամուլյանը։

Մամուլյանը նաև ընդգծեց, որ փառատոնի ընթացքում միջոցառման մասնակիցները կմրցեն երեք անվանակարգերում` «Լավագույն համ», «Լավագույն գաղափար» և «Լավագույն տեսք», ինչպես նա կհանձնվի Գրան–պրի։

- рис.4

Հայերի սիրած ճաշատեսակը

Փառատոնի այցելու Հռիփսիմե Խաչատրյանը, ով մեծ տպավորություն էր ստացել փառատոնից, «Նովոստի–Արմենիա» գործակալության թղթակցին ասաց, որ առաջին անգամ է մասնակցում նման միջոցառման։ Նրա խոսքով` կազմակերպիչներն ամեն ինչ շատ լավ են կազմակերպել։

«Չնայած այն դժվարություններին, որոնց միջով անցնում է մեր ժողովուրդը, այսօր մենք համախմբվել ենք, ինչը շատ հաճելի է։ Սա շփվելու, միասին ուրախանալու ևս մեկ հիանալի հնարավորություն է», – նշեց Հռիփսիմեն և ավելացրեց, որ տոլման յուրաքանչյուր հայ ընտանիքի տոնական սեղանի գլխավոր ճաշատեսակներից է։

- рис.5

Փառատոնի մեկ այլ մասնակից Ջուլիետտա Թովմասյանը նշեց, որ իրեն շատ է դուր գալիս միջոցառման գաղափարը։ «Առաջին անգամ եմ մասնակցում և շատ տպավորված եմ։ Համտեսել ենք այստեղ ներկայացված տոլմայի գրեթե բոլոր տեսակները, նրանցից յուրաքանչյուրն ունի բացառիկ համ», – նշեց Թովմասյանը։

Տոլմա սիրում են պատրաստել անգամ բանակում

«Ուդուլի» 6–րդ փառատոնը կարելի է համարել աննախադեպ` մասնակիցների և այցելուների քանակի տեսանկյունից։ Այս տարի տոլմա պատրաստեցին անգամ բանակի խոհարարները։

Այսպես, Իջևանի զորամասերից մեկի շեֆ–խոհարար Բագրատ Հովակիմյանը նշեց, որ անհամբեր սպասում է ժյուրիի գնահատականներին։ «Այսօր մենք պատրաստել ենք հավի մսով և նարնջի հյութով տոլմա», – նշեց նա։

- рис.6

Հովակիմյանն ավելացրեց, որ բանակի խոհարարները կշարունակեն մասնակցել փառատոնին` փորձելով աջակցել հայկական խոհանոցի զարգացմանը։

«Կարաս» թոնրատների ցանցի շեֆ–խոհարար Արայիկ Զաքարյանն իր հերթին նշեց, որ ամեն տարի մասնակցում է փառատոնին։

- рис.7

«Յոթ տարի առաջ Ադրբեջանը ցանկացավ յուրացնել հայկական ազգային ճաշատեսակը` տոլման, ինչից հետո որոշվեց կազմակերպել այս փառատոնը և աշխարհին ցույց տալ, որ տոլման մեր սեփական ճաշատեսակն է, որը «ծնվել է» Զանգեզուրում», – ընդգծեց Զաքարյանը։

Խոհարարը նշեց, որ տոլման պատրաստել է հայկական դասական բաղադրատոմսով` օգտագործելով տավարի միս, խաղողի տերևներ, կարագ և համեմունքներ։–0–

- рис.8