Կրակոցներ Վանաձորում. բնակարանային գողերը կրակել են ոստիկանների ուղղությամբ.

ԵՐԵՎԱՆ, 30 հունվարի. /Նովոստի–Արմենիա/.  Հունվարի 30-ին, ժամը 03:20-ի սահմաններում ոստիկանության Վանաձորի բաժին ահազանգ է ստացվել, որ անհայտ անձը կան անձինք գողություն անելու նպատակով մտել են Նարեկացի 71/1 տուն, այս մասին հայտնում է shamshyan.com-ը։

Ըստ կայքի՝ երբ ոստիկանները մոտեցել են նշված սեփական տանը, ներսից կրակոցներ են արձակել նրանց ուղղությամբ: Ըստ նախնական տեղեկությունների՝ բարեբախտաբար զոհեր և վիրավորներ չկան:
 
Դեպքի վայրում հայտնաբերվել են հրազենից արձակված պարկուճներ և պատերի և պատուհանների վրա կրակոցների հետքեր:

Կայքի տեղեկություններով՝ փաստի առթիվ հարուցվել է քրեական գործ՝ ՀՀ քր.օր-ի 34-104 հոդվածի 2-րդ մասի 2-րդ կետի (սպանության փորձ իր ծառայողական պարտականությունները կատարողի նկատմամբ), 34-177 հոդվածի 3-րդ մասի 1.1 կետի և 235 հոդվածի 1-ին մասի հատկանիշներով: -0-