ԵՐԵՎԱՆ, 26 մարտի. /Նովոստի-Արմենիա/. Մարտի 22-ին տեղի ունեցած ամենահեղինակավոր մրցանակաբաշխություններից մեկի՝ The World-Spirits Award-ի ժամանակ լեգենդար հայկական ARARAT կոնյակը արժանացցել է ոսկե մեդալների, հաղորդում է Երևանի կոնյակի գործարանի մամուլի ծառայությունը:
The World-Spirits Award-ը պրեմիում դասի ալկոհոլի աշխարհի ամենահեղինակավոր մրցանակաբաշխություններից մեկն է: Արդեն տասը տարուց ավել ամենամյա մրցույթին մասնակցում են հարյուրավոր բրենդեր աշխարհի ավելի քան 30 երկրից, բայց միայն ամենաարժանավորներն են ստանում The World-Spirits Award մեդալներ:
Իր պատմության ընթացքում մրցույթն արժանացել է գինիների և թունդ ոգելից խմիչքների առավել պահանջկոտ սիրահարների հատուկ ուշադրությանը, ինչպես նաև դարձել միջազգային և ձեռք բերել յուրահատուկ ավանդույթներ:
Այս տարի The World-Spirits Award-ն անցկացվեց Գերմանիայում: Երևանի կոնյակի գործարանի ARARAT լեգենդար հայկական կոնյակը պարգևատրվեց մի քանի ոսկե մեդալով, ընդ որում՝ հատուկ ուշադրության արժանացավ նրբահամ ԱՐԱՐԱՏ «Անին»:
Ընդհանուր առմամբ, 2017-ը առհասարակ հատուկ տարի է ARARAT «Անիի» համար. 1977-ին ստեղծված բացառիկ կուպաժը նշում է իր 40-ամյա հոբելյանը:
Այս տարի ARARAT «Անին» շարունակում է միջազգային մրցույթներում լեգենդար հայկական կոնյակի հաղթանակների և բարձր պարգևների հաճելի ավանդույթը: Մասնավորապես անցյալ տարի Սան Ֆրանցիսկոյում անցած գինիների և ոգելից խմիչքների SFIWSC ամենամյա մրցույթին ARARAT «Ախթամարը» արժանացավ ոսկե մեդալի:
Նոր պարգևները կներկայացվեն ARARAT թանգարանում՝ լայն մրցանակային ժառանգության հետ մեկտեղ. ներկայում այստեղ պահպանվում են արդեն 140-ից ավելի ոսկե և արծաթյա մեդալներ: -0-
