ԵՐԵՎԱՆ, 2 ապրիլի. /Նովոստի–Արմենիա/. Exit Poll–ի արդյունքները սովորական խարդախություն են, հայտարարեց «Կոնգրես–ՀԺԿ» դաշինքի ներկայացուցիչ Արամ Մանուկյանը։
BS/The Gallup Organization–ի և Հայկական սոցիոլոգիական ասոցիացիայի կողմից անցկացված Exit Poll–ի նախնական տվյալներով, ՀՀ ազգային ժողով է անցնում չորս քաղաքական ուժ` ՀՀԿ–ն , «Ծառուկյան» դաշինքը, «Ելք» դաշինքն ու ՀՅԴ–ն։
«Հայաստանում երբեք լուրջ հարցում չի իրականացվել։ Ամեն ինչ կախված է պատվիրատուից։ ՀՀ քաղաքացիները երբեք ազատ չեն խոսում այն մասին, որ քվեարկել են ընդդիմության օգտին։ Սա սովորական խարդախություն է. հրապարակել թվեր, որոնք որևէ ընդհանուր բան չունեն իրականության հետ», – ասաց Մանուկյանը։
Загружается новость ... "Лево"
Նրա խոսքով, մինչև ժամը 14։00–ը, քանի դեռ չէին աշխատում տեսախցիկները, քվեարկել է մարդկանց մեծամասնությունն ու կատարվել են ամենից շատ խախտումները, որոնց թվում են քվեարկության գաղտնիության խախտումը, ընտրակաշառքի բաժանումը։
«Կասկածելի է նաև ընտրողների մասնակցության այդքան բարձր ցուցանիշը` շուրջ 60 տոկոս։ Հայաստանում պարզապես չկա այդքան մարդ։ Ողջ բնակչությունը կազմում է մոտ 2 միլիոն։ Ակնհայտ է, որ գրանցվել է կրկնակի քվեարկություն։ Մենք կփորձենք ուսումնասիրել հրապարակված ցուցակները» , – ասաց Մանուկյանը։
Ավելի վաղ ԿԸՀ նախագահ Տիգրան Մուկուչյանը հայտարարեց, որ խորհրդարանական ընտրություններում քվեարկել է 1 574 947 ընտրող և ընդհանուր ընտրազանգվածի 60,86 տոկոսը։
Մանուկյանը ձեռնպահ մնաց կանխատեսումներից այն հարցի շուրջ, թե արդյոք հաղթահարե՞լ է իր դաշինքը անցողիկ 7 տոկոսանոց շեմը և ի՞նչ են նրանք պատրաստվում ձեռնարկել, եթե չանցնեն խորհրդարան։
«Մենք ոչ մի ընտրատեղամասից չունենք տեղեկատվություն։ Կպարզենք` ինչ խախտումներ են տեղի ունեցել և կորոշենք` ինչ անել։ Դեռ չունենք տեղի ունեցածի ընդհանուր պատկերը», – ասաց Մանուկյանը։–0–
