Հայտնի է այսօր առավոտյան ավտոտնակում շմոլ գազի հետևանքով մահացած երիտասարդների ինքնությունը

ԵՐԵՎԱՆ, 15 հունվարի. /Նովոստի–Արմենիա/. Հայտնի է այսօր առավոտյան Երևանի ծայրամասում շմոլ գազի հետևանքով մահացած երիտասարդների ինքնությունը։

Ավելի վաղ հայտնի էր դարձել, որ հունվարի 15–ին ժամը 10:00-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Նազարբեկյան 22 շենքի հարևանությամբ գտնվող ավտոտնակներից մեկում 3 երիտասարդի դի կա:

Նշված ավտոտնակում ոստիկաններն ու քննիչները հայտնաբերել են Volkswagen Passat մակնիշի 71 RT 071 համարանիշի ավտոմեքենա:

Կայքի հաղորդմամբ, մահացածներից 2-ը եղել են ավտոմեքենայում, մեկն էլ՝ հատակին: Երեքն էլ երիտասարդ տղաներ են:

Shamshyan.com կայքի հաղորդմամբ, ոստիկաններն ու քննիչները պարզել են մահացածների ինքնությունը: Ն

Նրանք են Ջերմուկ քաղաքում հաշվառված, ժամանակավորապես Երևան քաղաքի Նազարբեկյան 22 շենքում բնակվող, 23-ամյա Գարիկ Ստեփանյանը և հարազատ եղբայրներ Աշտարակ քաղաքի Նարեկ 3 թաղամասի բնակիչներ, 21-ամյա Արտյոմ Սարկիսովն ու 25-ամյա Արթուր Սարկիսովը:

Պարզվել է նաև, որ նշված ավտոմեքենան, որը հայտնաբերվել է ավտոտնակում, պատկանում է Գ. Ստեփանյանին, ով աշխատում էր Արտակարգ իրավիճակների նախարարության փրկարար ծառայութունում՝ որպես փրկարար:

Փաստի առթիվ ստեղծվել է քննչական խումբ և հարուցվել է քրեական գործ ՀՀ ՔՕ 109 հոդվածի 2-րդ մասի հատկանիշներով (Երկու կամ ավելի անձանց անզգուշությամբ մահ պատճառելը):

Նշանակվել են մի շարք փորձաքննություններ։–0–