Երկարակեցության ռեկորդ. Հայաստանում 117 տարեկան տատիկ է ապրում (ՖՈՏՈ)

ԵՐԵՎԱՆ, 24 հունվարի./Նովոստի–Արմենիա/. ՀՀ քաղաքացու անձնագիր ունեցող ամենատարեց անձը 117–ամյա Ֆարանգ Բաղդասարյանն է, Facebook–յան իր էջում տեղեկացրել է ՀՀ ոստիկանության անձնագրային և վիզաների վարչության պետ, ոստիկանության փոխգնդապետ Մնացական Բիչախչյանը։

«Ուշագրավն այն է, որ Հայաստանում 20 ամենատարեց անձանցից ոչ մեկը ծերանոցում չի բնակվում», – նշել է Բիչախչյանը։

Նա նաև կոչ է արել ընտանեկան ջերմությամբ լցնել մեր մեծերի առօրյան, քանի որ նրանք ոչ մի բան չեն խնայել մեզ համար։



«Ընտանեկան ջերմությունը և հոգատարությունը երկարակեցության պայմաններից մեկն է», – գրել է Բիչախչյանը։

Նշենք, որ Ֆարանգ տատը ծնվել է 1901 թ.–ին Իրանում, այժմ բնակվում է Արարատի մարզում։–0–