Երիտասարդության և ուսանողության օրը պաշտոնապես կնշվի Հայաստանում

ԵՐԵՎԱՆ, 21 դեկտեմբերի. /Նովոստի–Արմենիա/.Հայաստանի խորհրդարանը երկուշաբթի արտահերթ նիստում երկրորդ ընթերցմամբ և ամբողջությամբ ընդունեց «Հայաստանի Հանրապետության տոների և հիշատակի օրերի մասին» ՀՀ օրենքում լրացում կատարելու մասին» օրենքի նախագիծը:

Ինչպես նշեց ՀՀ կրթության և գիտության նախարար Արմեն Աշոտյանը, կառավարությունը վերանայել է Ուսանողության օրվա ամսաթվի վերաբերյալ  3 համանման առաջարկներ, որոնք ավանդաբար նշվում են միջազգային օրացույցում:

«Մենք որոշեցինք , որ տոնի ակունքները պետք է ազգային հիմք ունենան  և որպես Երիտասարդության և ուսանողքության օր ընտրեցինք Երևանի պետական համալսրանի հիմնադրման օրը` մայիսի 26-ը»,-ասաց Աշոտյանը

Նա նշեց, որ կառավարությունն այս տարեթիվը խորհրդանշական է համարում, այն կարևոր է ոչ միայն ԵՊՀ-ի ուսանողության համար, այլ ողջ կրթական համակարգի համար` որպես հայկական կրթական համակարգի կայացման օր:

Ուսանողության միջազգային օրը կամ ուսանողության համերաշխության օրն ողջ աշխարհում նշվում է  նոյեմբերի 17-ին:-0-