ԵՐԵՎԱՆ, 21 մարտի. /Նովոստի–Արմենիա/. Դիանա Գրիգորյանի, նույն ինքը՝ Դինա Ակոպովնայի դեմ ԱՄՆ-ում մուտքի վիզաների խարդախության վերաբերյալ հարուցված քրեական գործն ուշագրավ ընթացք է ստանում, գրում է «Ժողովուրդ» օրաթերթը։
Загружается новость ... "Лево"
Ըստ թերթի տեղեկությունների, փաստի առաջ են կանգնել մի շարք երգիչ-երգչուհիներ, որոնք ինչ-որ առնչություն են ունեցել Դինա Ակոպովնայի և այս գործով անցնող ԱՄՆ քաղաքացի Ստելլա Բոյաջյանի հետ:
«Շոու-բիզնեսի ներկայացուցիչները, որոնք մասնակցել են Գրիգորյանի կամ Բոյաջյանի կազմակերպած համերգներին, կանգնած են ԱՄՆ մուտքի արտոնագրերը կորցնելու վտանգի առաջ: Մասնավորապես՝ ԱՄՆ մուտքի արտոնագիրը կորցնելու վտանգի առաջ է կանգնած երգչուհի Աիդա Սարգսյանը, իսկ ահա աղմկահարույց գործի շրջանակներում երգիչ Հայկ Ղևոնդյանը՝ Սպիտակցի Հայկոն, ԱՄՆ դեսպանատանը հետ է վերադարձրել ԱՄՆ մուտքի արտոնագիրը», – նշում են հոդվածի հեղինակները։
«Ժողովուրդը» փորձել է մեկնաբանություններ ստանալ ՀՀ-ում ԱՄՆ դեսպանատնից:
Սակայն դեսպանատնից տեղեկացրել են, որ ամերիկյան օրենսդրությունն արգելում է վիզայի հետ կապված մանրամասներ հայտնել։–0–
