«Ռոստելեկոմը» ներկայացնում է Energy նոր առաջարկը

ԵՐԵՎԱՆ, 2 նոյեմբերի. /Նովոստի–Արմենիա/. «Ռոստելեկոմը» հանդես է գալիս նոր՝ Energy առաջարկով, որը հնարավորություն է ընձեռում իր բաժանորդներին ստանալու հավելյալ ծառայություններ, հաղորդում է ընկերության մամուլի ծառայությունը։

Մասնավորապես, առաջակից օգտվելու համար վճարելով լրացուցիչ 500 ՀՀ դրամ գումար գործող ամսավճարին, բաժանորդները կարող են վայելել մինչև 60 հավելյալ հեռուստաալիքներ (ժամանցային, երաժշտական, գիտահանրամատչելի, մանկական, ֆիլմերի, ուսուցողական, այլ ժանրերի), դիտել անսահմանափակ թվով սերիալներ հեռուստատեսության Ֆիլմադարան բաժնից (վերջին տարիների լավագույն, ամենատարբեր ժանրերի հոլիվուդյան սերիալներ, որոնք պարբերաբար թարմացվում են և համալրվում), օգտվել 2,5 անգամ ավելի արագ ինտերնետ հասանելիությունից։

«Այսպիսով, միանալով Energy առաջարկին, Տրիո ծառայությունների փաթեթի բաժանորդները (1 տարի բաժանորդագրության առկայության դեպքում) ստանում են նշված առավելություներն ի լրումն իրենց սակագնային փաթեթով սահմանված հիմնական պայմանների՝ 1 տարվա ընթացքում ամսավճարին ավելացնելով ամսական 500 ՀՀ դրամ», – նշվում է ընկերության հաղորդագրության մեջ։

Energy առաջարկից արդեն իսկ հնարավոր է օգտվել, և այն գործելու է մինչև 2018թ․ հունվարի 31-ը:

Առաջարկի վերաբերյալ առավել մանրամասներ ներկայացված են ընկերության պաշտոնական կայքում։

«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։

Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ –0–